Kūlgrinda

in Wikipedia, die vrye ensiklopedie
Spring na: navigasie, soek
Kūlgrinda
Kulgrinda1.2009-08-22.jpg
Kūlgrinda tydens 'n Middeleeuse fees in die vesting Apuolė, Litaue
Oorsprong Litaue
Genre(s) Tradisionele religieuse musiek, liedere en danse, Neo-folk, Pagan Folk
Aktiewe jare 1990 - hede
Uitgewer(s) Kūlgrinda / Dangus
Webwerf www.romuva.lt
Assosiasies Žalvarinis, Donis
Portal.svg Musiekportaal

Kūlgrinda is 'n Litause musiekgroep wat hulle op rituele religieuse musiek toespits. Die groep is in 1990 deur Inija en Jonas Trinkūnas, leiers en hoëpriesters van Litaue se Baltiese geloofsgemeenskap Romuva, in die lewe geroep. Die ander groeplede is jongmense tussen die ouderdom van 17 en 25 jaar.

Die groep tree gereeld in tradisionele 10de tot 12de eeuse Litause kleredrag op wat volgens argeologiese vondse gerekonstrueer is. Die naam Kūlgrinda is afgelei van tradisionele Litause klippaaie wat dikwels ook onder water deur moerasgebiede en mere geloop het en in die voor-Christelike tydperk as heilige inisiasiepaaie beskou is.

Kūlgrinda se musikale repertoire sluit tradisionele liedere, himnes, sutartinės (ou polifoniese volksliedere), gebede en danse in wat met Middeleeuse instrumente soos tromme en doedelsakke begelei word. Kūlgrinda het in die afgelope jare 'n aantal albums opgeneem en vrygestel, waaronder

  • Rites of Fire (2002),
  • Perkūno Giesmės (2003),
  • Sotvaras (2004, 'n gemeenskaplike Kersfeesprojek met die Litause musiekkunstenaar Donis) en
  • Prussian Chants (2005, wat die uitgestorwe Pruisiese taal laat herleef).

Kūlgrinda word gereeld uitgenooi om by funksies en feestelikhede in Litaue op te tree.

Diskografie[wysig]

  • Kūlgrinda (1996)
  • Žalvarinis (saam met Ugnėlakiu, 2002)
  • Ugnies apeigos (2002)
  • Sotvaras (saam met Donis, 2003)
  • Perkūno giesmės (2003)
  • Prūsų giesmės (2005)
  • Giesmės Saulei (2007)
  • Giesmės Valdovui Gediminui (2009)
  • Giesmės Žemynai ("Himnes tot die aardgodin Žemyna", saam met Donis, 2013)

Eksterne skakels[wysig]

Media (MP3-snitte en video's)