Kader Asmal

Kader Asmal (gebore 8 Oktober 1934, oorlede 22 Junie 2011) was 'n Suid-Afrikaanse politikus.

Asmal was 'n professor in menseregte aan die Universiteit van Wes-Kaapland, voorsitter van die raad van die Universiteit van die Noorde en vise-president van die Afrika Vereniging vir Internasionale Reg ("African Association of International Law"). Hy was 'n ere-lid van die Royal College of Surgeons in Ierland, het 'n doktorsgraad van Queen's Universiteit van Belfast (1996) ontvang en was 'n laureaat van die 2000 Stockholm Water-prys.

Hy is op 22 Junie 2011 aan 'n hartaanval oorlede. Hy word oorleef deur sy vrou, Louise Parkinson en twee seuns.