Kampdorp (Lesotho)

in Wikipedia, die vrye ensiklopedie
Spring na: navigasie, soek

'n Kampdorp is 'n hoofstad van een van die tien distrikte van Lesotho. 'n Kampdorp is gewoonlik die kommersiële spilpunt van die distrik en die regering se distrikskantore is hier geleë. Die grootste kampdorp is die stad van Maseru in die Maseru-distrik.

Die kampdorp se naam is meestal dieselfde as die distrik waarin dit geleë is se naam. Die kampdorp Maseru is byvoorbeeld in die Maseru-distrik geleë en die kampdorp Thaba-Tseka is in die Thaba-Tseka-distrik. Daar is twee uitsonderings, Teyateyaneng lê in die Berea-distrik en Hlotse in die Leribe-distrik.

Die woord "kampdorp" is vermoedelik afgelei van die 19de eeuse polisiekampe, in Sesotho likampo genoem.