Karikatuur

'n Karikatuur van die komediant Charlie Chaplin.

Karikatuur van Nicolas Sarkozy met Carla Bruni, geteken deur Karl Meersman, alias Karl.

'n Karikatuur (van Italiaans caricatura, wat "gelaaide portret" beteken) is 'n humoristiese voorstelling van 'n persoon of situasie, waarby die mees kenmerkende trekke sterk oordryf word. Die bedoeling is gewoonlik om mense te amuseer, te beledig of om 'n politieke punt te stel.

Karikature word veral in strokiesprente gebruik, maar word ook in poppespel en in die teater ingespan.