Kate Winslet
| Kate Winslet | |
 |
|
| Naam | Kate Elizabeth Winslet |
|---|---|
| Geboorte | 5 Oktober 1975 Reading |
| Nasionaliteit(e) | Engels |
| Beroep(e) | Aktrise |
| Noemenswaardige rolprent(e) |
Titanic |
| Internet-rolprentdatabasis-profiel | |
Kate Elizabeth Winslet (gebore 5 Oktober 1975 in Reading, graafskap Berkshire) is 'n Engelse aktrise en soms ook sangeres. Sy word geken vir die diverse karakters wat sy oor haar loopbaan vertolk het, maar sy is miskien die meeste bekend vir haar krities-geloofde vertolkings as Marianne Dashwood in Sense and Sensibility, Rose DeWitt Bukater in Titanic (1997), Celementine Kruczynski in Eternal Sunshine of the Spotless Mind, Sarah Pierce in Little Children, April Wheeler in Revolutionary Road, en Hanna Schmitz in The Reader (2008).
Winslet is al vir ses Academy-toekennings genomineer en het die Academy-toekenning vir Best Actress (Afrikaans: Beste Aktrise) gewen vir haar rol in The Reader (2008). Sy het toekennings ontvang van die Screen Actors Guild, British Academy of Film and Television Arts, en die Hollywood Foreign Press Association, en is ook vir 'n Emmy-toekenning genomineer. Op die ouderdom van 22 het sy die jongste aktrise geword om twee Oscar-nominasies te ontvang;[1] op die ouderdom van 33 het sy die jongste akteur van beide geslagte geword om ses nominasies te ontvang. David Edelstein van die New York Magazine-tydskrif prys haar as "die beste Engels-sprekende rolprentaktrise van haar generasie".[2]
[wysig] Verwysings
- ^ "Kate Winslet". James Lipton (host). Inside the Actors Studio (Bravo). 2004-03-14. http://www.bravotv.com/Inside_the_Actors_Studio/guest/Kate_Winslet. No. 11, season 10.
- ^ "'Tis the Season...". New York Magazine. URL besoek op 2009-01-10.
[wysig] Eksterne skakels
