Kenyanthropus
| Kenyanthropus platyops Tydperk: Plioseen
| |
|---|---|
.JPG)
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | |
| Genus: | (?) Kenyanthropus
|
| Spesie: | K. platyops
|
| Binomiale naam | |
| †Kenyanthropus platyops (Leakey et al., 2001)
| |
Kenyanthropus platyops is ’n 3,5 tot 3,2 miljoen jaar oue Hominini-fossiel uit die Plioseentydperk wat in 1999 by die Turkanameer in Kenia ontdek is deur Justus Erus, wat deel was van die paleontoloog Meave Leakey se span.[1]
Leakey (2001) het voorgestel die fossiel verteenwoordig ’n heel nuwe Hominini-genus, terwyl ander dit geklassifiseer het as ’n aparte spesie van Australopithecus, A. platyops, en sommige het gemeen dit is ’n Australopithecus afarensis.
Naam en beskrywing[wysig | wysig bron]
Die naam Kenyanthropus platyops is om verskeie redes aan die fossiel toegeken: die genusnaam “Kenyanthropus” is om Kenia te erken omdat so baie verskillende en belangrike hominiene hier ontdek is. Die spesienaam “platyops” is afgelei van twee Griekse woorde: platus, wat "plat" beteken, en opsis, wat "gesig" beteken – dit verwys na die baie plat gesig van die fossiel.
Die ontdekking van die fossiel het gelei tot die voorspelling van ’n aanpassing om nuwe ekologiese nisse te vul, want baie nuwe spesies van Australopithecus en ander hominiene is ontdek wat voor of saam met Australopithecus afarensis bestaan het. Dit was ’n belangrike ontdekking, want dit het beteken dat spesies in die verre verlede baie meer gediversifiseer was as wat aanvanklik vermoed is.
Daar word geglo dat die spesie in ’n gebied met grasvelde en woude gewoon het, anders as die A. afarensis, wat in plekke soos Tanzanië en Ethiopië gevind is waar hulle hoofsaaklik tussen bome geleef het.[2][3][4]
Hoewel dit moeilik is om die evolusie van die hominiene reg te voorspel, het die ontdekking van die K. platyops-skedel daartoe gelei dat dié spesie beskou word as die moontlike gemeenskaplike voorouer, in plaas van A. afarensis.
Verwysings[wysig | wysig bron]
- ↑ Kenyanthropus platyops
- ↑ Leakey, M. G., et al (2001). New hominin genus from eastern Africa shows diverse middle Pliocene lineages, Nature, Volume 410, pgs. 433-440
- ↑ Lieberman, D. E. (2001). Another face in our family tree, Nature, Volume 410, pgs. 419-420
- ↑ Cela-Conde, C. J. and Altaba, C. R. (2002). Multiplying genera vs. moving species: a new proposal for the family Hominidae, South African Journal of Science, Volume 98, pgs. 229-232
Eksterne skakels[wysig | wysig bron]
- Kenyanthropus.com
- Die Platgesigmens van Kenia (Nature)
- BBC-artikel oor Kenyanthropus platyops
Wikimedia Commons het meer media in die kategorie Kenyanthropus.
Wikispecies het meer inligting verwant aan Kenyanthropus
