Keynote (vertoningsprogrammatuur)

in Wikipedia, die vrye ensiklopedie
Spring na: navigasie, soek
Keynote
Kort opsomming van die logo.
Keynote4.png
Keynote 6 vir OS X

Ontwikkelaar Apple Inc.
Aanvanklike vrystelling 7 Januarie 2003
Mees onlangse weergawe 6.5/ 16 Oktober 2014; 38 dae gelede (2014-10-16)
Bedryfstelsel OS X
Kategorie Vertoningsprogrammatuur
Lisensie Eiendomsprogrammatuur
Webblad Apple: Keynote
Keynote vir iOS
Kort opsomming van die logo.
Keynote for iOS editing presentation.png
Keynote 2 vir iOS

Ontwikkelaar Apple Inc.
Aanvanklike vrystelling 27 Januarie 2010
Mees onlangse weergawe 2.2/ 1 April 2014; 7 maande gelede (2014-04-01)
Bedryfstelsel iOS
Kategorie Vertoningsprogrammatuur
Lisensie Eiendomsprogrammatuur
Webblad Apple: Keynote vir iOS

Keynote is ’n vertoningsprogrammatuurtoepassing wat deur Apple Inc. ontwikkel is as deel van die iWork-kantoorpakket. Keynote 5 is op 6 Jaunarie 2009 aangekondig en is die mees onlangse weergawe vir die Macintosh. Die bevat nuwe temas, oorgange en animasies en die vermoë om die skyfievertoning met ’n iPhone of iPod Touch te beheer deur die Keynote-afstandbeheertoepassing.[1] Op 27 Januarie 2010 het Apple ’n nuwe weergawe van Keynote vir iPad met ’n splinternuwe aanrakingskoppelvlak.[2]

Geskiedenis[wysig]

Keynote het begin as programmatuur vir Apple se HUB Steve Jobs om te gebruik tydens die Macworld-kongres en Ekspo en ander Apple-gebeure.[3] Voordat Keynote bestaan het, het Jobs gebruik gemaak van Concurrence deur Lighthouse Design, ’n soortgelyke produk wat op die NeXTSTEP en Openstep-platforms gewerk het. Die program is vir die eerste keer in 2003 aan die publiek verkoop as Keynote 1.0 en was ’n mededinger vir ander bestaande vertoningsprogramme soos Microsoft PowerPoint.

In 2005 het Apple Keynote 2.0 begin verpak saam met Pages, ’n nuwe woordverwerking- en bladuitlegtoepassing, in ’n programmatuurpakket genaamd iWork. By die 2006 Macworld-kongres en Ekspo het Apple iWork ’06 bekendgestel met opgedateerde weergawes van Keynote 3.0 en Pages 2.0. Benewens amptelike HD-versoenbaarheid het Keynote 3 nuwe funksies, waaronder groepskalering, 3D-grafieke, multikolom teksraampies, outostiplyste in enige teksveld, beeldverstellings en vryevorm maskeringshulpmiddel ingesluit. Keynote het ook drie-dimensionele oorgange soos ’n roterende kubus of ’n eenvoudige omdraai van die skyfie ingesluit.

In Augustus 2007 het Apple Keynote 4.0 bekendgestel in iWork ’08 saam met Pages 3.0 en die nuwe Numbers-sigbladtoepassing.

Op 23 Oktober 2013 het Apple ’n herontwerpte Keynote (weergawe 6.0) vrygestel en dit gratis beskikbaar gestel aan enigeen wat ’n nuwe iOS-toestel of Mac-rekenaar registreer.

Eienskappe[wysig]

  • Temas wat die gebruiker in staat stel om bestendigheid in kleure en lettertipes regdeur die vertoning te behou, ook in karate, grafieke en tabelle.
  • OpenGL-aangedrewe 3D-oorgange tussen skyfies.
  • Dubbele-skermondersteuning: die aanbieder kan die vertoning op ’n skerm vertoon en steeds die werkskerm of notas van sy skootrekenaar op vertoningskerm sien.
  • Uitvoere na PDF, QuickTime, JPEG, TIFF, PNG, HTML (met JPEG-beelde) en PowerPoint. Keynote gebruik .key- (vertoningslêers) en .kth- (temalêers) bondels gebaseer op XML.[4]
  • Ondersteun alle QuickTime-videoformate (insluitend MPEG-2 en DV) in skyfievertonings.
  • Weergawe 3 bring uitvoer na iDVD met aanklikbaarheid.
  • Verenigbaarheid met Apple Remote en die Keynote Remote-toep vir iPhone en iPod touch.[1]

Keynote Remote[wysig]

Keynote Remote is ’n iOS-toep wat Keynote-voorstellings vanuit ’n iPhone, iPod Touch of iPad kan beheer oor ’n Wi-Fi-netwerk en is deur die toepwinkel vrygestel teen ’n prys van R7,99. Die prys is sedertdien verlaag sodat dit gratis beskikbaar is.

Weergawegeskiedenis[wysig]

Weergawenommer Vrystellingsdatum Veranderings
1.0 7 Januarie 2003 Aanvanklike vrystelling.[5]
1.1 4 Junie 2003 Verskeie verbeterings om funksionaliteit en verenigbaarheid te verbeter.
1.1.1 28 Oktober 2003 Bevorderde stabiliteit en verskeie verbeterings in gebruikerservaring asook bake meer gebruikersvriendelik.
2.0 11 Januarie 2005 Vrygestel as deel van die iWork ’05-pakket.[6] Sluit nuwe oorgange/animasies, 20 nuwe teams, nuwe aanbiedershulpmiddels en verbeterde uitvoeropsies insluitend uitvoer na Flash.
2.0.1 21 Maart 2005 Spreek geïsoleerde kwessies aan wat betroubaarheid kon beïnvloed.
2.0.2 5 Mei 2005 Spreek geïsoleerde kwessies aan wat betroubaarheid kon beïnvloed.
3.0 10 Januarie 2006 Nuwe weergawe vrygestel as deel van die iWork ’06-pakket.[7] Sluit nuwe oorgange/animasies, nuwe temas en grafika in. Ook saamgestel om op PowerPC en Intel-verwerkers as ’n universele binêre bestand te werk.
3.0.1 4 April 2006 Hierdie opdatering tot Keynote 3.0 spreek kwessies met drie-dimensionele grafieke en teksture aan. Dit spreek ook ’n aantal ander klein kwessies aan.
3.0.2 28 September 2006 Hierdie opdatering vir Keynote 3.0.1 spreek verenigbaarheidskwessies aan wanneer toegang tot Aperture 1.5-inhoud in Keynote verkry probeer word.
4.0 7 Augustus 2007 Nuwe weergawe vrygestal as deel van die iWork ’08-pakket.[8] Nuwe tekseffekte, nuwe oorgange, Instant Alpha, Smart Builds.
4.0.1 27 September 2007 Spreek kwessies met aksies en uitvoering aan.
4.0.2 29 Januarie 2008 Hierdie opdatering spreek primêr kwessies aan met die terugspeel of uitvoer van vertonings.
4.0.3 3 April 2008 Hierdie opdatering spreek uitvoerings- en stabiliteitskwessies aan wanneer met groot dokumente gewerk word.
4.0.4 2 Februarie 2009 Hierdie opdatering spreek verenigbaarheidskwessies met Microsoft Office PowerPoint 2007 en Microsoft Office PowerPoint 2008 asook algemene verenigbaarheidskwessies aan.
5.0 6 Januarie 2009 Vrygestel as deel van die iWork ’09-pakket en dit sluit nuwe grafiekanimasies, “Magic Move” en bystand vir die Keynote Remote iPhone/iPod Touch-toep in.[9]
5.0.1 26 Maart 2009 Verbeter betroubaarheid wanneer Keynote-lêers uitgevee word, skyfies tussen vertonings gekopieer word of met oorgange en aksies gewerk word.
5.0.2 28 Mei 2009 Verbeter betroubaarheid wanneer dokumente geberg word en wanneer vertonings meer as een keer per Keynote-sessie teruggespeel word.
5.0.3 28 September 2009 Verbeter betroubaarheid met uitvoering na GarageBand, sleep-en-neersit en animasies.
5.0.4 September 2010 Herstel kwessies in Keynote.
5.0.5 5 Januarie 2011 Laat terugspeel van Keynote-vertonings toe met iWork.com, met meer as 15 animasies en effekte indien die nuutste weergawe van Safari gebruik word. Spreek ’n kwessie met die Laat val-oorgang, Oplos-aksie en vormkleure. Spreek ’n kwessie aan met liniale. Voeg ondersteuning vir Keynote Remote 1.2* toe, insluitend hoë-resolusie skyfies vir die Retina-vertoning.
5.1 20 Julie 2011 Voeg ondersteuning vir Mac OS X Lion toe insluitend: Volskermmodus, Hervat, Outomatiese berging, Weergawe en Karakterkieser. Verbeter verenigbaarheid met Microsoft Office. Voeg nuwe aksies toe: Aambeeld en Uitmekaar Val.
Verwyder die vermoë om films met ’n deursigtige agtergrond uit te voer.
5.1.1 1 Desember 2011 Spreek ’n aantal kwessies aan wat plaasvind wanneer met groot Keynote-vertonings op OS X Lion gewerk word en sluit verbeterings in stabiliteit en toeganklikheid in.
5.2 25 Julie 2012 Voeg ondersteuning vir iCloud-dokumente en diktering toe. Geoptimaliseer vir Retina-vertoning.
5.3 4 Desember 2012 Voeg ondersteuning vir Keynote vir iOS 6.0 toe.
6.0 22 Oktober 2013 Vrygestel as deel van iWork vir Mac wat totaal van nuuts af ontwerp is in 64-bis en met sinchronisering oor iCloud.
6.0.1 21 November 2013 Verander die nutsbalk met die belangrikste nutsmiddels – Stabiliteitsverbeteringe en foutherstellings.
6.1 23 Januarie 2014 Nuwe oorgange en vertoonopsies toegevoeg en verbeterde versoenbaarheid met Microsoft PowerPoint.
6.2 1 April 2014 Verbeterde Aanbiederskermuitlegte en -etikette. Nuwe oorgange en boue toegevoeg: Voorwerpwenteling, Dryf en skaleer en Gly. Verbeterde Towerskuif insluitend teksvervorming. Bewegingsonskerpte kan nou op animasies toegepas word – Stabiliteitsverbeteringe en foutherstellings.
6.5 16 Oktober 2014 Opgedateerde ontwerp vir OS X Yosemite, ondersteuning vir iCloud Drive en Handoff in iOS 8 toegevoeg, opgedateerde lêerformaat vir verbeterde ondersteuning met derdeparty aanlyndienste. Aanbiederskerm kan aangepas word, sluit nuwe Spooranimasie in en bevat verskeie verbeterings vir die wysiging van vertonings.

Verwysings[wysig]

Eksterne skakels[wysig]


Hierdie artikel is in sy geheel of gedeeltelik vanuit die Engelse Wikipedia vertaal.