Kimberley Regiment
| Kimberley Regiment | |
|---|---|
 | |
| Gestig | 1890 |
| Land | .svg){kind=small} Suid-Afrika Suid-Afrika
|
| Weermagdeel | .svg){kind=small} Suid-Afrikaanse Leër
|
| Onderdeel van | Suid-Afrikaanse Infanteriekorps |
| Tipe | Infanterie |
| Spesialisasie | Ligte Infanterie |
| Hoofkwartier | Kimberley |
| Aantal lede | Een bataljon |
Die Kimberley Regiment is 'n reserwemagregiment in die Suid-Afrikaanse Infanteriekorps van die Suid-Afrikaanse Leër, met hoofkwartier in Kimberley. Sy geskiedenis strek tot 1876 terug, en sluit aktiewe deelname aan verskeie koloniale veldslae, die Tweede Vryheidsoorlog, die Eerste Wêreldoorlog, die Tweede Wêreldoorlog, die Grensoorlog, en die Noodtoestand in. Die regiment het verskeie gevegsonderskeidings verwerf, en oor die jare is baie lede met dekorasies vereer.
Geskiedenis (Chronologie)[wysig | wysig bron]
1870's
- Vrywilligereenhede word in 1876 in die Britse kolonie Griekwaland-Wes op die been gebring - onder hulle is die 'Kimberley Light Horse' en die 'Dutoitspan Hussars' wat in 1878 saamsmelt om die 'Diamond Fields Horse' te vorm.
- 9de Grensoorlog (1877-78) - aktiewe diens in Ciskei.
- Griekwaland-Wes-veldtog (1878) - aktiewe diens in Griekwaland-Wes.
- Sekhukuni-veldtog (1878) - aktiewe diens in Transvaal (wat destyds onder Britse administrasie was).
- Gewere-oorlog (1880-81) - aktiewe diens in Basoetoland.
- Transkei-veldtog (1880-81) - blykbaar aktiewe diens in Transkei (die regiment se geskiedenis is ietwat vaag op hierdie punt).
- Griekwaland-Wes word in 1880 by die Kaapkolonie ingelyf - sy eenhede word dus deel van die Kaapse koloniale krygsmagte.
1880's
- Die 'Kimberley Volunteers' word in 1887 gestig - hulle word later na 'Victoria Rifles' herdoop.
- Die 'Kimberley Scots' word in 1890 gestig.
1890's
- Die Victoria Rifles en die Kimberley Scots smelt in 1891 saam om die 'Kimberley Rifles' te vorm.
- Betsjoeanaland-veldtog (1897) - beide die DFH en die Kimberley Rifles op aktiewe diens in noord-Kaapland.
- Die Diamond fields Horse en die Kimberley Rifles smelt in 1899 saam om die 'Kimberley Regiment' te vorm.
- Tweede Vryheidsoorlog (1899-1902) - verdediging van Kimberley, en verskeie operasies in noord-Kaapland.
1900's
- Ontvang in 1904 'n koningsvaandel ter erkenning van sy diens in die oorlog.
1910's
- Ingelyf by die burgermag van die nuwe Unie Verdedigingsmagte in 1913 as die '7de Infanterie (Kimberley Regiment)' - diensplig bly vrywillig.
- Suidwes-Afrika-veldtog (1914-15) - aktiewe diens in Suidwes-Afrika.
1920's
- Ontvang in 1921 'n nuwe koningsvaandel.
1930's
- Naam verander na 'Kimberley Regiment' in 1932.
1940's
- Tydelik met die Imperial Light Horse saamgesmelt as die 'ILH/Kim R' vanaf 1943 tot 1945.
- Italiaanse-veldtog (1944-45) - aktiewe diens in Italië, insluitend die slagte van Monte Cassino, Celleno, Florence, die Gotiese-linie, Monte Porro del Bagno, Monte Vigese, Monte Salvaro, en die deurbraak na die Po-vallei.
1950's
- Die vrywillige diensstelsel eindig in 1952 - vanaf 1952 tot 1967 is burgers vir diensplig geloot.
1960's
- Vanaf 1968 tot 1993 is burgermagdiens verpligtend ('nasionale diensplig').
1970's
- Grensoorlog - verskeie operasionele diensbeurte in noordelike Suidwes-Afrika en suidelike Angola.
1980's
- Noodtoestand (1985-90) - verskeie keer vir binnelandse veiligheidsdienste opgeroep.
1990's
- Sedert 1994 is militêre diens weer vrywillig.
- Toe die burgermag na 1994 in die reserwemag omskep is word Kim R 'n reserwemageenheid.
Gevegsonderskeidings[wysig | wysig bron]
- Gaika-Gcaleka 1877-78
- Griqualand West 1878
- Basutoland 1880-81
- Transkei 1880-81
- Bechuanaland 1896-97
- South Africa 1899-1902; Defence of Kimberley
- South West Africa 1914-15
- Italy 1944-45; Casino II; Celleno; Florence; The Greve; Gothic Line; Monte Porro del Bagno; Monte Vigese; Monte Salvaro; Po Valley
Verwysings[wysig | wysig bron]
- Curson, H.H. (1963). The History of the Kimberley Regiment.