Kleinbyvreter

in Wikipedia, die vrye ensiklopedie

Kleinbyvreter
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Genus:
Spesie:
M. pusillus
Binomiale naam
Merops pusillus

Die kleinbyvreter (Merops pusillus) is 'n algemene standvoël.

Identifikasie[wysig | wysig bron]

Die voëltjie word aan sy klein, slanke grootte en helder kleure, nl. 'n geel keel, oranjebruin onderkant en feitlik reghoekige stert uitgeken. Die koppie en vlerke is groen en bruin met 'n swart bek. Die swart kraag ontbreek by die jonges en hulle onderkante is liggroen. Dit is die kleinste byvreter, ongeveer 15–17 cm lank. Beide geslagte lyk eenders. Hulle broei hoofsaaklik in sandwalle naby water, maar soms ook in die openinge van erdvarkgate. Die wyfie lê gewoonlik 6-8 ronde wit eiers waarop albei geslagte om die beurt broei.

Habitat[wysig | wysig bron]

Hulle hou in pare of swerms naby groot riviere of by oop kolle in boomveld of bosveld. Hulle sit meestal saam op 'n lae tak of draadheining vanwaar hulle jagvlugte uitvoer. Vreet hoofsaaklik insekte, veral bye en perdebye, en raak ontslae van die angel deur die insek herhaaldelik teen 'n harde oppervlakte te slaan.

Verspreiding[wysig | wysig bron]

Kom meestal voor in Afrika suid van die Sahara. Migrasie is beperk tot seisoenale reënvalpatrone.

Geluid[wysig | wysig bron]

Uiter 'n rustige "tjip,tjip trriee-trriee-trriee".

Ander name[wysig | wysig bron]

  • Engelse naam: "Little Bee-eater"

Sien ook[wysig | wysig bron]

Bronnelys[wysig | wysig bron]