Kleingrysmuishond
| Kleingrysmuishond | ||||||||||||||||
|---|---|---|---|---|---|---|---|---|---|---|---|---|---|---|---|---|
 Mannetjie in 'n woonbuurt in die Wes-Kaap.
|
||||||||||||||||
| Bewaringstatus | ||||||||||||||||
| Wetenskaplike klassifikasie | ||||||||||||||||
|
||||||||||||||||
| Binomiale naam | ||||||||||||||||
| Galerella pulverulenta (Wagner, 1839) |
||||||||||||||||
 Verspreiding
|
Die Kleingrysmuishond (Latyn: Galerella pulverulenta) kom voor in die suide van Suid-Afrika. Die soogdier is verwant aan die Swartkwasmuishond.
Inhoud |
[wysig] Bou en kleur
Van ver lyk die muishond grys maar van naby is hy swart met wit of geelbruin spikkels. Die hare is kort en lê plat en bedek die ore effens. Die hare is dik om die stertbasis en word al hoe korter na die stertpunt toe. Die bene vertoon donkerder as die as die lyf. Die mannetjie kan tot 1.25 kg weeg en die wyfie 0.9 kg. Die mannetjie is effens groter as die wyfie.
[wysig] Habitat
Die muishond benut verskeie habitats; vanaf fynbos tot woude; selfs dele met baie min plantegroei. Hulle eet insekte, muise, voëls, en reptiele.
[wysig] Gewoontes
Hulle is daglewend en rus tydens die warmste tyd van die dag en hulle loop gewoonlik alleen of in pare. Die kleintjies bly in die teelgate totdat hulle gespeen is. Hulle is hoofsaaklik grondlewend en klim soms boom as hulle jag. Die dier is nie bang vir mense nie en gebruik rotsstapels, gate in termiethope en ander gate vir skuiling. Twee tot vier kleintjies word vanaf Augustus tot Desember gebore.
[wysig] Vyande
Die luiperd, rooikat en rooijakkals is die Kleingrysmuishond se natuurlike vyande.
[wysig] Sien ook
- Lys van Suider-Afrikaanse soogdiere
- Lys van Suider-Afrikaanse soogdiere volgens wetenskaplike name
- Suider-Afrikaanse soogdiere en hul ordes
[wysig] Bron
- Die Soogdiergids van Suider-Afrika. Burger Cillié. ISBN 978 1 875093 46 5. 2009
[wysig] Verwysings
- ^ Hoffmann, M. (2008). Herpestes pulverulentus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 22 Maart 2009.
