Knysna

in Wikipedia, die vrye ensiklopedie
Spring na: navigasie, soek
Knysna
Uitsig oor die dorp en die strandmeer
Uitsig oor die dorp en die strandmeer
Ligging van Knysna op 'n kaart (Wes-Kaap)
Knysna
Knysna
Koördinate: 34°02′08″S 23°02′56″O Koördinate: 34°02′08″S 23°02′56″O
Land Vlag van Suid-Afrika Suid-Afrika
Provinsie Wes-Kaap
Distriksmunisipaliteit Eden
Plaaslike Munisipaliteit Knysna
Stigting 1804
Oppervlak
 - Stad 58,35 km²  (22,5 vk m)
Hoogte m (16 vt)
Bevolking (2001)
 - Stad 33 675
 - Digtheid 580/km² (1 502,2/myl2)
Tydsone SAST (UTC+2)
Poskode 6570
Die vooraansig van die Holy Trinity-kerk, Belvidere, Knysna

Knysna is 'n dorp in die Wes-Kaap, Suid-Afrika. Dit is 72 kilometer vanaf George geleë tussen heuwels, langs die Knysna-strandmeer (Engels: lagoon). Volgens die munisipaliteit van Knysna was daar sowat 51 500 inwoners in 2001. Die N2 nasionale pad gaan deur die dorp, wat in die hart van die Tuinroete is.

Geskiedenis[wysig]

Die dorp is in 1804 gestig deur George Rex, na bewering 'n seun van koning George III van Engeland en Hanna Lightfoot, 'n lid van die Quaker-beweging. Die dorp ontstaan op Rex se plaas Melkhoutkraal. Hy lê die grondslag vir die plaaslike houtnywerheid en bou 'n seehawe. Goud is in 1876 by Millwood ontdek maar die stormloop was van korte duur. Die bekende Belvidere kerkie is aan die oorkant van die strandmeer gebou in 1855.

Die strandmeer ontmoet die oseaan by "Die Koppe"

Strandmeer en strande[wysig]

Die strandmeer is ryk aan seelewe - onder andere garnale, krappe en ander skaaldiere. Die Knysnarivier mond uit in die strandmeer. Daar is twee natuurlike eilande in die strandmeer Thesen eiland en Leisure eiland. Thesen-eiland was eers Paardeneiland genoem maar bekend geraak as Theseneiland toe die Thesen familie die eiland oorgeneem en 'n saagmeule daar bedryf het. Beide die eilande is met die land verbind nadat paaie na hul gebou is. Leisure-eiland is 'n gesogte woonarea. Thesen-eiland is ook ontwikkel en het ook 'n gesogte woonarea geraak.
Die Nasionale Knysnameergebied is in 1985 geproklameer en onder die beheer van die Nasionale Parkeraad geplaas. Die beskermde gebied beslaan ongeveer 15 000 ha. Dit is gedoen om 'n balans te bereik tussen ontwikkeling en bewaring van die natuurlike hulpbronne.

Daar is ook etlike strande in die omgewing. Die strandmeer sluit aan by die see tussen twee kranse wat "Die Koppe" genoem word en vorm 'n beeldskone natuurprag. Die naaste strand is by Brenton-on-Sea terwyl die Buffelsbaai strand ook baie bekend is.

Oesterkwekery[wysig]

In die Knysna-strandmeer word die bekende Knysna oester gevind maar die oesters wat gekweek word is 'n Stille Oseaan spesie (Crassostrea gigas). Dié spesie bereik volwassenheid in slegs ses maande terwyl die inheemse oesters (Striostrea margaritacea), ook bekend as die Kaapse oester, tot drie jaar neem om volwassenheid te bereik. Daar is ongeveer 6 ha se oesterbeddings in die strandmeer.

Visvang[wysig]

Die strandmeer is die tuiste van bykans 200 visspesies; hier is visvang uiters gewild onder Suid-Afrikaanse hengelaars. Bekende spesies wat gevang word is: kabeljou, stompneus, witsteenbras en knorhaan; terwyl galjoen vanaf die strande en rotse gevang kan word. Reuse-modderkrappe en bloedwurms kom in enkele gebiede voor, terwyl moddergarnale feitlik in die hele strandmeer voorkom.

Inheemse diere[wysig]

Die Knysnaseeperdjie is hier inheems en word beskerm. Die bosse naby Knysna word van ouds bewoon deur 'n inheemse Knysna-olifanttrop en deur die Knysnaloerie, 'n klein papegaaiagtige voël.

Houtnywerheid[wysig]

Knysna is vandag 'n sentrum vir houtverwerking met meubels en bote as die vernaamste produkte. Knysna word omring deur natuurlike inheemse woude, bekend as die Knysnabos. Die Thesen- en Parkes-families het 'n groot rol gespeel in die ontwikkeling van die houtnywerheid nadat beide families saagmeulens gebou het; Thesen's op Paardeneiland en Parkes in die dorp. Nadat Parkes hul saagmeule geskuif het is die area ontwikkel tot Woodmill Lane, 'n winkelsentrum. Daar is tans 30 000 ha denne- en bloekomplantasies in die distrik.

Oesterfees[wysig]

Gedurende die eerste week van Julie vind die jaarlikse Oesterfees plaas. Die Suid-Afrikaanse Vloot neem ook gewoonlik deel aan die verrigtinge. Fregatte anker gewoonlik by die plaaslike hawe in die dorp. Die bosmarathon, padfiets- en bergfietswedrenne vorm ook deel van die fees.

Sport[wysig]

Die dorp beskik oor drie gholfbane en verskeie sportklubs bv. rugby, padwedlopers en 'n kano-klub. Die jaarlikse Karoo-tot-Kus Bergfiets Wedren eindig ook in Knysna gedurende September.

Sien ook[wysig]

Bronne[wysig]


Vlag van Suid-Afrika

Provinsie Wes-Kaap

Hoofstad:

Kaapstad

Streke:

Eden | Kaapse Skiereiland | Kaapse Wynlande | Sentraal Karoo | Overberg | Weskus

Grootste stede en dorpe:

Kaapstad | George | Mosselbaai | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester

Munisipaliteite:

Beaufort-Wes | Bergrivier | Bitou | Breedevallei | Kaap Agulhas | Cederberg | Drakenstein | Eden | George | Hessequa | Kaapstad | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Prins Albert | Saldanhabaai | Sentraal Karoo | Stellenbosch | Swartland | Swellendam | Theewaterskloof | Weskus | Witzenberg