Knysna-olifant

in Wikipedia, die vrye ensiklopedie
Spring na: navigasie, soek
Savanne-olifant
'n Savanne-olifant
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Proboscidea
Familie: Elephantidae
Genus: Loxodonta
Spesie: L. africana
Binomiale naam
Loxodonta africana
(Blumenbach, 1797)

Die Knysna-olifant is 'n olifant wat in die Knysnabos aangetref word. Gouna, gepaard met die aanliggende Diepwalle-, Buffelsnek- en Knysnabos, vorm deel van die gebied wat deur die laaste oorblywende Knysna-olifante bewoon is.

Biologies gesproke is Knysna-olifante eintlik Savanne-olifante (Loxodonta africana). Die naam is in die Afrikaanse letterkunde deur boeke soos Kringe in ’n bos gepopulariseer en dui op die plek waar die olifante aangetref word eerder as 'n afsonderlike spesie.[2]

Geskiedenis[wysig]

Die woude het in die 1870's na raming 400 tot 500 olifante gehuisves, maar teen 1913 was daar net 'n skrale 13 oor. 'n Opname wat in 1968 en 1969 gemaak is, het net 10 olifante gevind. Geen stappe is egter gedoen om hul toekoms te beveilig nie, en teen 1979 het die bevolking tot drie gekwyn: 'n koei, kalf en 'n ou bul. Die spore van 'n pasgebore kalf is in Desember 1988 ontdek, maar dit was eers in Junie 1994 dat 'n poging aangewend is om die Knysna-bevolking te laat herleef deur drie jong olifantkoeie uit die Nasionale Krugerwildtuin hierheen te bring. Nadat die drie byna twee maande lank in 'n boma by Diepwalle aangehou is, is hulle in September 1994 losgelaat. 'n Uitgebreide soektog het egter net een olifant, die ou bul, opgelewer. Die jongste kalf is ongeveer twee weke ná die vrylating aan longontsteking dood, terwyl die oorblywende twee koeie nie by hul bostuiste kon aanpas nie. Nadat hulle private eiendom beskadig het, is die twee oorlewende olifante in die Shamwari-wildreservaat naby Port Elizabeth hervestig. Toe, in September 2000, is 'n jong bul onverwags in die Gounabos opgemerk.

Sien ook[wysig]

Verwysings[wysig]