Kobia
| Kobia | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | Rachycentron Kaup, 1826
|
| Spesie: | R. canadum
|
| Binomiale naam | |
| Rachycentron canadum (Linnaeus, 1766)
| |
Die Kobia (Rachycentron canadum) is 'n skaars vis wat voorkom aan die Suid-Afrikaanse kus vanaf Kaapstad tot verby die Mosambiekgrens. In Engels staan die vis bekend as die Cobia of as die Prodigal Son (oftewel "Verlore seun").
Voorkoms[wysig | wysig bron]
Die vis het 'n lang lyf en het 'n amper ronde deursnit. Die kop is plat soos van bo af gesien en die stert is groot en kragtig wat die vis se vegvermoë bevestig. Die boonste helfte van die lyf is donkerbruin, amper swart en die onderkant is roomkleurig. Daar is 'n prominente horisontale streep aan elke sy van jong visse, wat egter neig om te vervaag met toenemende volwassenheid. Die vinne is ook donkerbruin van kleur. Die gemiddelde grote van die vis is 5 tot 10 kg terwyl enkele visse van 20 kg reeds gevang is.
Habitat en gewoontes[wysig | wysig bron]
Die Kobia het snaakse gewoontes; hy word gereeld gesien in die teenwoordigheid van 'n Manta, Walvishaai of groot haaie. Hulle hou van warm, helder water en verkies strukture soos riwwe, eilande en selfs boeie - veral as daar 'n kans is om krappe te vang. Hulle eet krappe, ander vis, garnale en pylinkvis. Hulle kom nie voor in skole nie en word hoofsaaklik vanaf 'n boot gevang.
Dit is 'n baie smaaklike eetvis.
Sien ook[wysig | wysig bron]
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Eksterne skakel[wysig | wysig bron]
Bron[wysig | wysig bron]
- Top Angling Fishes of Southern Africa. Hennie Crous. 2010. ISBN 978-1-77007-403-3
- Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6.
