Koeksister

in Wikipedia, die vrye ensiklopedie
Spring na: navigasie, soek
'n Bordjie koeksisters.
Koeksisters

Koeksisters is 'n tradisionele soet Afrikaanse lekkerny.

Resep[wysig]

Koeksisters word as volg voorberei:

Stroop[wysig]

Los 4 koppies suiker op in 375 ml water. Meng 2.5 ml kremetart, 2.5 ml fyngemaalde gemmer en twee stukke pypkaneel (of alternatiewelik so 'n kwart teelepel poeierkaneel) by die oplossing. Kook die stroop vir 5 minute lank. Sit so 'n 5 tot 10 ml gliserien by die mengsel net voor die mengsel van die stoof verwyder word om blink voorkoms te verkry.

Deeg[wysig]

Sif 'n liter meelblom saam met 2.5 ml meelblom en 30 ml bakpoeier in 'n bak. Meng dit deeglik 50 ml botter (margarien of olie kan ook gebruik word). Klits 'n eier en meng dit saam met 'n so 250 tot 375 ml melk of water in die deeg in. Knie die deeg goed totdat 'n gladde tekstuur verkry word. Laat staan vir ten minste 2 ure. Rol die deeg tot 'n dikte van 1 cm uit.

Sny dit in repies en vleg hulle. Bak die koeksisters in diep olie by 190 °C tot 'n ligbruin kleur aan albei kante verkry word. Haal die koeksisters uit en dreineer die oortollige olie af en dompel in koue stroop (Stroop moet koud gehou word deur byvoorbeeld die bak stroop in 'n groot skottel met ysblokkies daarom te hou). Laat die stroop afdrup en laat droog word. Ongeveer 6 dosyn koeksisters kan met die hoeveelhede voorberei word.