Koezma Minin

in Wikipedia, die vrye ensiklopedie
Spring na: navigasie, soek
Koezma Minin (regs) en prins Dmitri Pozjarski in ’n 19de-eeuse skildery deur Michail Skotti.

Koezma Minin (Russies: Кузьма Минин; volle naam Koezma Minitsj Zacharjef-Soechoroeki, Кузьма Минич Захарьев Сухорукий; ? – 1616) was ’n handelaar van Nizjni Nowgorod, Rusland, wat saam met prins Dmitri Pozjarski ’n nasionale held geword het vir sy rol in die verdediging van Rusland teen die Pools-Litause Gemenebes in die die vroeë 17de eeu.

Minin was ’n vooruitstrewende vleishandelaar in Nizjni Nowgorod. Toe ’n patriotiese beweging in sy tuisdorp begin word, het die plaaslike handelaars Minin gekies om toesig te hou oor die hantering van die publiek se geld en om ’n vrywilligerleër op die been te bring.

Die leër, wat deur prins Pozjarski gelei is, het die Poolse soldate op 1 November 1612 uit die Kremlin verdryf en so ’n einde gebring aan die Russiese Tyd van Beroeringe. Minin het homself bewys as ’n goeie aanvoerder en is ’n edelman gemaak onder die nuut verkose tsaar Michail Romanof. Hy is in 1616 dood.


Crystal txt.png

Hierdie artikel is vertaal vanuit die Engelse Wikipedia