Koffieboon

in Wikipedia, die vrye ensiklopedie
Spring na: navigasie, soek
Geroosterde koffiebone.

'n Koffieboon is die saad van die koffieplant; die pit binne-in die rooi of pers vrug. Die vrugte, genoem koffiekersies of koffiebessies, bevat gewoonlik twee pitte met die plat kant na mekaar gedraai. Koffiebone bestaan hoofsaaklik uit endosperm wat tussen 0,8 en 2,5% kaffeïen bevat - een van die hoofredes vir die teel van die plant. In sommige lande is koffiebone 'n belangrike uitvoerproduk.

Koffievrugte aan 'n koffieplant (Coffea arabica).

Die sade word van die vrug geskei, wat as bemesting gebruik kan word of weggegooi word.

Die sade van verskillende plante het ietwat verskillende eienskappe. Die verskillende koffieplante is Coffea arabica, Coffea benghalensis, Coffea canephora, Coffea congensis, Coffea excelsa, Coffea gallienii, Coffea bonnieri, Coffea mogeneti, Coffea liberica en Coffea stenophylla. Coffea arabica beslaan omtrent 75% van die wêreld se koffiehandel.