Kombuis-Duits
in Wikipedia, die vrye ensiklopedie
Kombuis-Duits (Duits: Küchendeutsch, Engels: Namibian Black German) is 'n kontaktaal of pidgin, wat vandag nog deur sowat 15 000 oorwegend bejaarde mense in Namibië gepraat word. Die term Kombuis-Duits verwys na die feit dat dit 'n doelbewus vereenvoudigde vorm van Duits is, wat ontwikkel is om die kommunikasie tussen Duitse setlaars en nie-Blankes in die voormalige Duitse kolonie Suidwes-Afrika te vergemaklik.
Voorbeelde:
| Kombuis-Duits | Duits | Afrikaans |
|---|---|---|
| Lange nicht sehen. | Lange nicht gesehen. | Lang nie gesien nie. |
| Was Banane kosten? | Was kostet die Banane? | Wat kos die piesang? |
| Herr fahren nicht Haus. | Der Herr fährt nicht nach Hause. | Die man (heer) ry nie huis toe nie. |
| Spät Uhr. | Zu später Zeit. | Laat saans. |
