Kontanthandel
Kontanthandel, in teenstelling met krediethandel, vind plaas wanneer goedere of dienste gekoop en onmiddellik daarvoor betaal word. Sommige ondernemings beskou betaling tot ses maande ná die transaksie as kontanthandel.
Voordele van kontanthandel[wysig | wysig bron]
- Die moontlikheid dat skuld nie vereffen word nie, word uitgeskakel.
- Administratiewe koste is veel laer as in die geval van krediettransaksies.
- Minder bedryfskapitaal is nodig, omdat die handelaar sy rekeninge kan betaal soos voorraad verkoop en geld ontvang word.
- Handelaars kan laer pryse met verskaffers beding as hulle kontant tot hul beskikking het wanneer hulle aankope maak.
Nadele van kontanthandel[wysig | wysig bron]
- As 'n handelaar net in kontant handel dryf en nooit die geleentheid het om die koper se besonderhede te vra nie, sal daar nooit 'n gevoel van onderlinge lojaliteit wees nie.
- Kontanthandelaars kan mense verloor wat 'n salaris verdien, want hulle kan net aan die einde van die maand betaal.
- Kontanthandelaars kan die steun van mense uit die boerderygemeenskap verloor, aangesien hulle nie kan betaal voordat hulle geoes het nie.
