Koorsboom
in Wikipedia, die vrye ensiklopedie
| Koorsboom | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Wetenskaplike klassifikasie | ||||||||||||||
|
||||||||||||||
| Binomiale naam | ||||||||||||||
| Acacia xanthophloea |
Koorsboom (Acacia xanthophloea) is 'n boom wat kan groei tot 'n hoogte van 25 meter. Die hoogste koorsboom in Suid-Afrika is egter 30,5m hoog en staan op die plaas Antonvilla in die distrik Messina (volgens die eerste verslag: Operasie Boomreuse - 1971). Die bas kleur is lemmetjie-groen tot groen-geel en is glad met 'n geel poeier op die oppervlakte. Die boom het lang reguit dorings wat in pare voorkom. Die boom het dubbel-veervormige, saamgestelde blare.
Vroeë pioniers in Suid-Afrika het geglo dat hierdie boom koors veroorsaak aangesien die mense wat in die gebiede gereis het waar die bome voorkom koors ontwikkel het. Die bome kom voor in gebiede wat moerasagtig is waar muskiete broei wat malaria dra wat wel die oorsaak van die koors was.
Ander name [wysig]
- Engelse naam: Fever tree
- Zoeloe naam: umHlosinga
