Koperstreek

in Wikipedia, die vrye ensiklopedie
Spring na: navigasie, soek
Koperstreek in Zambië

Die Koperstreek is 'n provinsie van Zambië in die kopermynboustreek, met boerdery- en beboste gebiede in die suide van die provinsie. Dit was die ruggraat van die land se ekonomie toe dit onder Britse beheer as Noord-Rhodesië bekend gestaan het en het ekonomiese groei kort na die Zambië se onafhanklikheid aangevuur, maar die provinsie se ekonomie is ernstig gekniehalter deur die ineenstorting van die kopermark in 1973, die nasionalisering van die kopermyne deur president Kenneth Kaunda en die tweede groot insinking van die kopermark in die jare negentig. Die provinsie grens aan die Demokratiese Republiek van die Kongo se Katanga-provinsie, wat ook oor ryk mineraalbronne beskik.

Die Koperstreek se vernaamste stede is Kitwe, Ndola, Mufulira, Luanshya, Chingola en Chililabombwe. Elkeen, buiten laasgenoemde, het tot omstreeks onafhanklikheid 'n groot blanke bevolking gehad, waaronder heelwat Afrikaners uit Suid-Afrika, sodat daar in 'n stadium vyf NG gemeentes in die provinsie was. (Sien Lys van ingelyfde NG gemeentes, NG Kerk in Zambië asook NG gemeente Nkana, NG gemeente Ndola, NG gemeente Mufulira, NG gemeente Luanshya en NG gemeente Chingola.)

Pad- en spoorverbindings strek van hier af noord tot by Lubumbashi in die DRK, maar die Tweede Wêreldoorlog het die twee destydse kolonies se ekonomiese so te sê vernietig, hoewel dit in die laaste jare weer begin herstel.

Natuurlewe[wysig]

Die Koperstreek is Zambië se mees verstedelikte en geïndustrialiseerde provinsie en het geen nasionale wildtuine nie. Daar is wel privaat reservate, soos die Chembe-voëlpark wes van Kitwe, wat ook krokodille huisves. Die Chimfunshi Wildlife Orphanage red en versorg uitheemse sjimpansees.

Distrikte[wysig]

Die Disktrikte van Koperstreek

Die Koperstreek se tien distrikte dra elkeen die naam van sy vernaamste dorp of stad. Hulle is: