Kourou

in Wikipedia, die vrye ensiklopedie
Spring na: navigasie, soek

Kourou
Kourou allée bac path.jpg

Kaart Vlag
Kourou.svg
Flag of None.svg
Wapen
Blason Kourou.svg
 Land Vlag van Frankryk Frankryk
 Provinsie Flag of French Guiana.svg Frans-Guyana
 Koördinate 05°09′N 52°39′O
 Gestig op 1645
 Oppervlakte:  
 - Totaal 2 160 vk km
 Hoogte bo seevlak 3 m
 Bevolking:  
 - Totaal (2009) 25 514
 - Bevolkingsdigtheid 12
 - Metropolitaanse gebied
 Tydsone UTC -03:00
 Burgemeester Jean-Étienne Antoinette
 Amptelike webwerf mairie.kourou.info/web

Kourou is 'n stad in die Franse oorsese département Frans-Guyana met sowat 25 000 inwoners, sowat 40 kilometer noordwes van die hoofstad Cayenne aan die kus van die Atlantiese Oseaan. Die voormalige Franse strafkolonie Duiwelseiland lê naby Kourou.

Kourou is 'n plaaslike toeristebestemming, maar staan veral bekend danksy die lanseersentrum Centre Spatial Guyanais van die Europese Ruimtevaart-Administrasie (European Space Agency, ESA). Die sentrum, wat deur die maatskappy Arianespace beheer word, ontstaan in 1965 en word sedert die einde van die sestigerjare gebruik om Franse vuurpyle en satelliete te lanseer.

Centre Spatial Guyanais[wysig]

Die Centre Spatial Guyanais

Danksy die ligging naby die ewenaar, wat aan 'n raket 'n addisionele snelheid van 500 meter per sekonde verleen en die noukeurige posisionering van 'n satelliet vergemaklik, word die Centre Spatial Guyanais (CSG) as een van die beste lanseerterreine ter wêreld beskou. Die lanseerterrein beskik oor alle lanseergeriewe en 'n fabriek vir raketbrandstowwe.

Die eerste vuurpyl van die moderne Ariane-reeks word op 24 Desember 1979 gelanseer. Tans word vuurpyle van die tipe Ariane-5 gebruik.

Die geriewe word volgens 'n Russies-Europese ooreenkoms aangepas vir Russiese Sojoes- en Italiaanse Vega-rakette, wat vanaf 2006 vanuit die CSG gelanseer word. Die Russiese ruimtevaartnywerheid beoog om die CSG as 'n alternatiewe lanseerterrein naas Baikonoer te gebruik en kan danksy die gunstige ligging groter laste hanteer.

Eksterne skakels[wysig]