Krakause Hoogaltaar
vanuit Wikipedia, die vrye ensiklopedie.
Die Krakause Hoogaltaar in die Krakause Mariakerk is 'n pentaptigon, 'n wandelaltaar met 'n sentrale hoofaltaar, twee vaste buite- en twee beweeglike binnevleuels. Die altaar is van skulpture voorsien, sy vleuels met reliëfs versier. Die houtsnywerk is gedeeltelik ingekleur, gedeeltelik verguld. Die altaar is aan die verheerliking van Maria gewy. Die vleuelaltaar met sy twee vertoonvleuels is die eerste werk wat deur kunshistorici met sekerheid aan die befaamde Laat-Gotiese beeldhouer Veit Stoß toegeskryf kan word en as een van sy hoofwerke beskou word.
