Kreasionisme

in Wikipedia, die vrye ensiklopedie
Spring na: navigasie, soek
'n Kunstenaarsvoorstelling van die Skepping.

Kreasionisme of skeppingsleer (Engels="creationism") is 'n religieuse geloof[1] wat meehet dat die Mensdom, lewe, die Aarde en die heelal in deur 'n bonatuurlike wese, die Skepper, geskep is. Die term word egter meer gereeld gebruik om te verwys na die religieuse verwerping van evolusie, ten gunste van 'n interpretering van die skeppingverslag in die Bybel as 'n verduideliking wat die geskiedenis, diversiteit en ingewikkeldheid van lewe op aarde verklaar. Hierdie teenstryd staan as die kreasionisme-ewolusie-omstredenheid bekend.[2] In Christelike kringe word kreasionisme gewoonlik op 'n letterlike interpretering van die skeppingsverhaal in die eerste boek van die Bybel, Genesis, gebaseer.[3] Kreasionisme word sterk aan die Christelike religie gekoppel, alhoewel ander religieë ook Skepper-geleide skeppingsverhale het, maar wat tot variërende mates van die Christelike weergawe verskil.

Wat glo hulle?[wysig]

'n Skeppingsleerder of kreasionis (Engels="creationist") is 'n Bybelgelowige persoon wat glo dat die Bybel vertel hoe en ongeveer wanneer die aarde geskape is. Hulle glo die volgende:

  • Genesis 1, wat die skeppingsverslag in die Bybel is, leer dat God die aarde in ses 24-uur-dae geskape het en dat Hy al die lewende dinge volgens verskillende soorte geskape het en dat alle lewende dinge nie 'n gemeenskaplike voorvader het, soos evolusie beweer nie.
  • Die die geslagsregisters in Genesis 5, Genesis 11, 1 & 2 Konings en 1 & 2 Kronieke word gebruik om te bepaal dat die skepping ongeveer 4004 vC gebeur het (soos deur James Ussher en andere).
  • Die sondvloed in Genesis 6 en Genesis 7 verklaar die meeste geologiese verskynsels wat ons vandag waarneem.
  • Die gebeure by die toring van Babel in Genesis 11 verklaar waar al die tale van die wêreld vandaan kom.
  • Job 40 en 41 word as 'n moontlike bevestiging gebruik dat dinosourusse saam met mense op aarde was en nie 65 miljoen jaar gelede uitgesterf het nie.

Bekende skeppingsinstansies sluit die volgende in[wysig]

Kyk ook[wysig]

Verwysings[wysig]

  1. Evolution Vs. Creationism, Eugenie Scott, Niles Eldredge, p. 114
  2. NCSE : National Center for Science Education - Defending the Teaching of Evolution in Public Schools.”. Creationism. 2008. URL besoek op 2009-06-22.
  3. Ronald L. Numbers. “Creationism History: Topic Index”. Counterbalance Meta-Library. URL besoek op 2009-06-22.

Eksterne skakels[wysig]

Commons
Wikimedia Commons het meer media verwant aan:
Kreasionisme (bladsy)