Krediethandel

in Wikipedia, die vrye ensiklopedie
Spring na: navigasie, soek

Krediethandel, in teenstelling met kontanthandel, vind plaas wanneer goedere of dienste gekoop word, maar eers later daarvoor betaal word, byvoorbeeld aan die einde van die maand waarin die gekope gedoen is. Krediethandel beteken ook dat 'n sekere bedrag aan 'n lener betaal kan word. Die lener betaal die bedrag plus rente op 'n latere datum terug.

Voordele van krediethandel[wysig]

  • Die handelaar kan meer kopers lok; dit kan tot groter omset en hoër winste lei.
  • Wanneer die handelaar krediet toestaan, is hy geregtig op hoër pryse vir produkte om voorsiening te maak vir die risiko van onverhaalbare skulde, en kan hy rente op die bedrag wat verskuldig is, vra.
  • Deur krediet toe te staan, wen 'n handelaar die klandisiewaarde van kopers, wat gereelde klante kan word.

Nadele van krediethandel[wysig]

  • Die handelaar het meer bedryfskapitaal nodig omdat hy betalings moet maak, hoewel hy 'n groot gedeelte van sy moontlike inkomste nog nie gemaak het nie.
  • Die handelaar loop altyd die risiko dat skulde nooit vereffen sal word nie.
  • Die administratiewe koste om boek te hou, swak betalers op te spoor, en uitstaande skulde in te vorder, is baie hoog.
  • Die koper moet hoër pryse vir krediettransaksies betaal, want die handelaar moet ál die administratiewe kostes verhaal.
  • Krediethandel kan kopers aanmoedig om meer te koop as wat hulle kan bekostig.

Bronne[wysig]

  • Esterhuyse, C., Horn, D. en Liebenberg, C.: Dinamiese bedryfstudies; Kagiso; Pinelands, 2004.

Sien ook[wysig]