Kreef (sterrebeeld)
- Vir ’n artikel oor die sterreteken, sien Kreef (sterreteken).
| Kreef | ||||
 |
||||
| Latynse naam | Cancer | |||
| Genitief | Cancri | |||
| Afkorting | Cnc | |||
| Waarnemingsdata (Epog J2000) | ||||
| Regte klimming | 9 h | |||
| Deklinasie | 20º | |||
| Grootte | 506 vk. grade (31ste) | |||
| Kwadrant | NQ2 | |||
| Besonderhede | ||||
| Hoofsterre | 5 | |||
| Helderste ster | Altarf (Beta Cancri) | |||
| Naaste ster | DX Cancri | |||
| Sterre helderder as 3 m | 0 | |||
| Sterre met planete | 4 | |||
| Messier-voorwerpe | 2 | |||
| Bayer-/Flamsteed-sterre | 76 | |||
| Meteoorreëns | Delta Cancrids | |||
| Aangrensende sterrebeelde | ||||
| Rooikat, Tweeling, Groot Hond, Noordelike Waterslang, Leeu, Klein Leeu (hoek) | ||||
|
||||
Die Kreef (Latyn: Cancer) is ’n klein, dowwe sterrebeeld in die noordelike hemelruim en een van die 12 sterrebeelde van die diereriem. Dit word ook dikwels as ’n krap, miskruier of waterkewer uitgebeeld.
Inhoud |
Ruimtevoorwerpe [wysig]
Die Kreef is die dofste van die diereriem-sterrebeelde en het net twee sterre met ’n helderheid groter as 4 mag.[1]
Alpha Cancri (Acubens) is ’n dubbelster met ’n komponent van 4,3 mag wat 173 ligjare van die Aarde is en een van 12 mag wat met klein teleskope gesien kan word. Sy gewone naam beteken "knyper".[1] Beta Cancri is die helderste ster in die Kreef en het ’n helderheid van 3,5 mag. Dit is ’n oranje reusester sowat 290 ligjare van die Aarde af.[1]
Gamma Cancri (Asellus Borealis) is ’n wit ster van 4,7 mag sowat 158 ligjare van hier. Sy gewone naam beteken "noordelike donkie".[1] Delta Cancri (Asellus Australis) is ’n oranje reus van 3,9 mag sowat 136 ligjare van hier. Sy gewone naam beteken "suidelike donkie".[1]
Zeta Cancri is ’n veelvoudige ster 83 ligjare van die Aarde af. Die helderste twee komponente is ’n dubbelster van 5 en 6,2 mag wat elke 1 100 jaar om mekaar wentel. Die helderste komponent is self ’n dubbelster met ’n periode van 59,5 jaar. Dié twee komponente sal in 2018 die verste van mekaar af wees in hul wentelbaan.[1]
Die Kreef is onder sterrekykers die bekendste vir die Byekorf-sterreswerm (Messier 44), ’n oop sterreswerm 577 ligjare van die Aarde af. M44 bevat sowat 50 sterre, waarvan die helderste een ’n helderheid van 6 mag het. Dit is een van die grootste oop swerms wat met die blote oog gesien kan word; dit beslaan 1,5 vierkante grade, of drie keer die grootte van die volmaan.[1] Die sterrebeeld bevat ook ’n kleiner, digter oop swerm, Messier 67, wat 2 500 ligjare van hier is. Dit beslaan sowat 0,5 vierkante grade, of die grootte van die volmaan. Dit het sowat 200 sterre, waarvan die helderste 10 mag is.[1]
Mitologie [wysig]
Die Antieke Griekse digter Aratos, en later Hipparchos en Ptolemeus, het die krap Karkinos genoem. In die Griekse mitologie word hy tydens een van Hercules se twaalf take deur Hera gestuur om Hercules se aandag af te trek terwyl hy teen ’n waterslang veg. Hercules raak egter gou van Karkinos ontslae deur hom so hard te skop dat hy tot aan die hemelruim trek. In ander weergawes gryp Karkinos Hercules se toon met sy knypers vas, maar Hercules trap hom eenvoudig dood. Hera gee toe vir Karkinos ’n plek in die lug uit dankbaarheid vir sy heroïese poging.
Verwysings [wysig]
Eksterne skakels [wysig]
Wikimedia Commons het meer media verwant aan: Kreef (sterrebeeld)
Hierdie artikel is vertaal uit die Engelse Wikipedia
| Die 88 moderne sterrebeelde |
|
Agterdek • Akkedis • Altaar • Andromeda • Arend • Beeldhouer • Beker • Berenice se Hare • Boogskutter • Bul • Cassiopeia • Cepheus • Dolfyn • Draak • Driehoek • Duif • Eenhoring • Eridanus • Feniks • Graveerstif • Groot Beer • Groot Hond • Haas • Hercules • Horlosie • Indiër • Jaghonde • Jagter • Kameelperd • Kameleon • Kiel • Klein Beer • Klein Hond • Klein Leeu • Koetsier • Kompas • Kraai • Kraanvoël • Kreef • Net • Leeu • Lier • Lugpomp • Maagd • Mikroskoop • Noordelike Kroon • Noordelike Waterslang • Oktant • Oond • Paradysvoël • Passer • Perseus • Pou • Pyl • Ram • Rooikat • Seile • Sekstant • Sentour • Skerpioen • Skild • Skilder • Slang • Slangdraer • Steenbok • Suidelike Driehoek • Suidelike Kroon • Suidelike Vis • Suidelike Waterslang • Suiderkruis • Swaan • Swaardvis • Tafel • Teleskoop • Toekan • Tweeling • Veewagter • Visse • Vlieënde Perd • Vlieënde Vis • Vlieg • Vos • Vul • Walvis • Waterdraer • Weegskaal • Winkelhaak • Wolf |
