Kruipende vy
| Kruipende vy | |
|---|---|
| |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | |
| Spesie: | Ficus pumila
|
| Binomiale naam | |
| Ficus pumila | |
| Sinonieme | |
| |
Die kruipende vy (Ficus pumila) is ’n spesie blomplante in die familie Moraceae wat inheems is aan Oos-Asië (China en Japan).
Eienskappe[wysig | wysig bron]
Dit is ’n immergroen rankplant wat sowat 2,5 tot 4 meter lank word. Die blare van ’n jong plant is baie kleiner as blare wat later gevorm word wanneer die plant ouer is. ’n Spesifieke perdeby is nodig vir voortplanting.
Die kruipende vy word in warmer streke algemeen in tuine gebruik en in gematigde streke as ’n huisplant, veral in hangmandjies, omdat dit nie rypbestand is nie. Dit groei vinnig en het min onderhoud nodig. Dit aard goed in skaduwee en verg vogtige toestande.
Dit kan te groot word en strukture bedek tensy dit in toom gehou word. Die hegranke klou ook aan strukture soos mure en kan die oppervlak beskadig weens die suur wat dit afskei.
Variëteite en kultivars[wysig | wysig bron]
- Ficus pumila var. awkeotsang
- Ficus pumila var. quercifolia
- Ficus pumila 'Curly'
- Ficus pumila 'Variegata' en Ficus pumila 'Snowflake' (met gestreepte blare)
’n Ander soort kruipende vy, F. radicans 'Variegata', se geel gevlekte blare is groter en meer puntig. Dit het baie lig nodig om te keer dat die geel dele van die blare verdof.
Probleme[wysig | wysig bron]
Die kruipende vy se blare sal bruin of geel word as dit te droog of te nat is. Dopluise, wolluise en rooimyte kan voorkom.[2]
Verwysings[wysig | wysig bron]
- ↑ https://powo.science.kew.org/taxon/urn:lsid:ipni.org:names:853513-1
- ↑ Longman, David. Gesonde Huisplante, Stap vir Stap Geïllustreer, J.L. van Schaik, Pretoria. 1992. ISBN 0 627 01827 0
Eksterne skakels[wysig | wysig bron]
- F. pumila by Gardenology
- NC-staatsuniversiteit: Ficus pumila Geargiveer 3 September 2013 op Wayback Machine
Wikimedia Commons het meer media in die kategorie Kruipende vy.
Wikispecies het meer inligting verwant aan Kruipende vy
Hierdie artikel is vertaal uit die Engelse Wikipedia
