Kryt-Paleogeen-grens

in Wikipedia, die vrye ensiklopedie
Spring na: navigasie, soek
Badlands in Alberta, Kanada, waar erosie die K-Pg-grens ontbloot het.

Die Kryt-Paleogeen-grens of K-Pg-grens is ’n geologiese aanduiding, dikwels ’n dun rotslaag. Dit dui die einde aan van die Kryt-periode, die laaste geologiese periode van die Mesosoïese Era, en die begin van die Paleogeen, die eerste periode van die Kainosoïese Era, sowat 66 miljoen jaar gelede.[1]

Die grens word verbind met die Kryt-Paleogeen-uitwissing, ’n massauitwissing waarin onder meer alle nie-vlieënde dinosourusse uitgesterf het.[2] Daar word algemeen geglo die uitwissing is veroorsaak deur ’n groot komeet of asteroïde wat die Aarde getref het en ’n katastrofale uitwerking op die omgewing gehad het, insluitende ’n lang impakwinter (weens stof en as wat die Son se strale afkeer), wat dit vir plante onmoontlik gemaak het om fotosintese uit te voer.[3]

In die geologiese rekord word die K-Pg-grens aangedui deur ’n dun rotslaag wat regdeur die wêreld in see- en aardrotse gevind word. Dit bevat hoë vlakke van die metaal iridium, wat seldsaam in die aardkors is, maar volop in asteroïdes voorkom.

Verwysings[wysig]

  1. International Chronostratigraphic Chart”. (pdf) International Commission on Stratigraphy: 2012. URL besoek op 2013-12-18.
  2. Fortey, R (1999). Life: A Natural History of the First Four Billion Years of Life on Earth. Vintage, 238–260. ISBN 978-0-375-70261-7. 
  3. Alvarez LW, Alvarez W, Asaro F, Michel HV (1980). “Extraterrestrial cause for the Cretaceous–Tertiary extinction”. Science 208 (4448): 1095–1108. DOI:10.1126/science.208.4448.1095.

Sien ook[wysig]