Kwandwe-wildreservaat

in Wikipedia, die vrye ensiklopedie

Die Kwandwe-wildreservaat is 'n private natuurreservaat, noordoos van Grahamstad in die Oos-Kaap geleë. Die reservaat is 22 000 hektaar groot en die Groot-Visrivier verdeel die reservaat feitlik in die helfte. Daar kom min groot soogdiere voor, maar die natuurskoon van die berglandskap is besonders om te aanskou.

Die naam Kwandwe beteken "Plek van die Bloukraanvoël" in die plaaslike Xhosataal.

Fauna[wysig | wysig bron]

Soogdiere soos swartwildebeeste, swartrenosters, Kaapse grysbok en die kwesbare klein gekolde kat kom in die reservaat voor, sowel as voëlsoorte soos bloukraanvoëls, die Knysnaspeg en kroonarende.

Klimaat[wysig | wysig bron]

Die Januarie-maksimumtemperatuur wissel tussen 28°C tot 32°C terwyl die Julie-maksimumtemperatuur wissel van 21°C tot 25°C. Die Julie-minimumtemperatuur is 2°C tot 5°C. Die reënval wissel tussen 236 mm tot 560 mm per jaar.

Bron[wysig | wysig bron]

  • Stuart, Chris & Mathilde (2012). National Parks and Nature Reserves. Struik Travel and Heritage. ISBN 978-1-77007-742-3.