Kwinana-ontsoutingsaanleg

in Wikipedia, die vrye ensiklopedie
Spring na: navigasie, soek

Die Kwinana ontsoutingsaanleg is suid van Perth in Wes-Australië geleë. Die aanleg maak sowat 140 000 m3 drinkwater per dag vanuit seewater en voorsien die Perth metropoolse gebied van water.[1]

Die tru-osmose aanleg was die eerste van sy soort in Australië en beslaan 'n groterige gebied in die industriële gebied in Kwinana. Elektrisiteitsvoorsiening vir die aanleg word opgewek deur die 80 MW Emu Downs windplaas in die middel westelike streek naby Cervantes in Wes-Australië. Die windplaas verskaf 270 GWh/jaar aan die kragnetwerk wat vergoed vir die 180 GWh/jaar wat deur die ontsoutingsaanleg verbruik word.[2]

Die ontsoutingsaanleg het 12 Seewater Tru-osmose treine met 'n vermoë van 160 000 m3/dag en ses Brakwater tru-osmose treine wat 'n finale produk van 144 000 m3/dag het skynbaar een van die wêreld se laagste spesifieke energieverbruik deels vanweë die gebruik van 'n drukuitruiler wat energie van die soutstroom herwin en dit oordra aan die water wat na die membrane gevoer word met 'n rendement van so hoog as 98%.

Een van die voorwaardes vir die bedryf van die aanleg is dat 'n omvattende omgewingsmoniteringsprogram onderneem word wat ondere andere die meet van seewater inname en die hoeveelheid soutwater wat gestort word insluit.[3]

Oortollige water afkomstig van die aanleg word in die Perth Hills damme gestoor.

Afsluiting[wysig]

Vroeg in 2008 is die aanleg op twee geleenthede afgeskakel vanweë baie lae opgeloste suurstofvlakke in Cockburn Sound.[4]

Verwysings[wysig]

Eksterne skakels[wysig]