Ladismith
Nota: Vir die dorp in die provinsie KwaZulu-Natal, sien Ladysmith.
| Ladismith | |
 |
|
  Ladismith
|
|
 Ladismith
|
|
| Koördinate: Koördinate: | |
| Land |  Suid-Afrika |
|---|---|
| Provinsie | Wes-Kaap |
| Distriksmunisipaliteit | Eden |
| Plaaslike Munisipaliteit | Kannaland |
| Tydsone | SAST (UTC+2) |
| Poskode | 6655 |
| Skakelkode(s) | 028 |
Ladismith is 'n dorp in die Kannaland munisipaliteit van die distrik Eden (provinsie Wes-Kaap, Suid-Afrika). Die dorp is sowat 300 kilometer oos van Kaapstad aan die Roete 62 tussen Barrydale en Calitzdorp geleë. Ander belangrike dorpe in die omgewing is Laingsburg (85 kilometer van Ladismith af) en Oudtshoorn (100 kilometer).[1] [2] Die dorpsnaam word met 'n "i" gespel om verwarring met Ladysmith in die provinsie KwaZulu-Natal te voorkom.
Inhoud |
Geskiedenis [wysig]
Ladismith is in 1852 gestig en vernoem na Lady Juana Maria Smith (1798-1872), die eggenote van die destydse goewerneur van die Kaapprovinsie, sir Harry Smith.
Besienswaardighede [wysig]
Besienswaardighede sluit die plaaslike kerkgeboue van die Pinksterbeweging en Lutherane en die geboortehuis van die bekende Afrikaanse digter C.J. Langenhoven in.
Die Anysberg Natuurreservaat is sowat 70 kilometer noordwes van Ladismith geleë.
Ekonomie [wysig]
Die plaaslike landboubedryf het sy eerste ekonomiese opswaai tydens die 19de eeuse volstruisveertydperk beleef. Vandag staan die gebied as die belangrikste produsent van appelkose in die Suidelike Halfrond bekend.[3] Daarnaas dra ook skaapteelt, melkboerdery, pruime, nektariene en perskes by tot die ekonomiese welvaart van die gebied. Danksy die vrugbare landbougrond in die valleie en besproeiing verskil die gebied van Ladismith duidelik van sy barre omgewing.
Toerisme [wysig]
Ladismith is 'n vertrekpunt vir toere na die Swartberge en rondritte na die ou sendingstasies Zoar en Amaliënstein, wat deur die Berlynse Sendinggenootskap gestig en na die Duitse weldoeneres Amalie von Stein vernoem is, die indrukwekkende Seweweekspoort en die verruklike Hoekovallei. Die natuurskoon van die streek het 'n aantal kunstenaars gelok wat hier hul ateljees geopen het.
Kookkuns [wysig]
Die plaaslike restourante bied outentieke plattelandse kos aan.
Bekende boorlinge [wysig]
- Maria Kloppers, stigter van die Kinderhawe in Observatory, Johannesburg.
- Hannes la Grange, eerste Suid-Afrikaner wat die Suidpool bereik.
- Abraham H. de Vries, skrywer.
- Morkel van Tonder, Afrikaanse radio-omroeper.
Sien ook [wysig]
Verwysings [wysig]
|
Provinsie Wes-Kaap |
|---|---|
| Hoofstad: | |
| Streke: |
Eden | Kaapse Skiereiland | Kaapse Wynlande | Sentraal Karoo | Overberg | Weskus |
| Grootste stede en dorpe: |
Kaapstad | George | Mosselbaai | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester |
| Munisipaliteite: |
Beaufort-Wes | Bergrivier | Bitou | Breedevallei | Kaap Agulhas | Cederberg | Drakenstein | Eden | George | Hessequa | Kaapstad | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Prins Albert | Saldanhabaai | Sentraal Karoo | Stellenbosch | Swartland | Swellendam | Theewaterskloof | Weskus | Witzenberg |
