Laerbestuur
Laerbestuur, ook bekend as eerstelynbestuur of toesighoudende bestuur, is die laagste vlak van bestuur in 'n onderneming, en doen verantwoording aan die middelbestuur. Laerbestuur bestaan hoofsaaklik uit die voormanne en werkspanleiers van 'n onderneming. Hulle word aangestel op grond van hul vermoë om werkers te lei en om opdragte te gehoorsaam en toe te sien dat hulle gehoorsaam word. Laerbestuur is die skakel tussen die topbestuur en die werkers van die onderneming.
Funksies[wysig | wysig bron]
Hulle verseker dat taktiese besluite, wat deur die middelbestuur geneem word, uitgevoer word, en hulle gebruik die nodige hulpbronne en infrastruktuur om hul opdragte mee uit te voer. Laerbestuur moet oor tegniese kennis beskik. Hulle voer die onderneming se interne beleid uit.
Verantwoordelikhede[wysig | wysig bron]
Laerbestuur konsentreer op die uitvoer van besluite. Hulle spoor ook die werkers tot aksie aan en oefen beheer oor hulle uit. Hulle neem roetinebesluite en is ingestel op die daaglikse uitvoering van opdragte in die bestuur van die onderneming, en moet dag-tot-dag (korttermyn) probleme oplos en probeer voorkom. Hulle beskik oor goeie kommunikasiestevaardighede omdat hulle in aanraking met werkers op grondvlak is.
Bronne[wysig | wysig bron]
- Esterhuyse, C. · Horn, D. · Liebenberg, C.: Dinamiese bedryfstudies; Kagiso; Pinelands, 2004
