Laerskool Oude Molen
Die Laerskool Oude Molen was 'n klein Afrikaanse laerskool in Loerielaan in die Kaapstadse voorstad Pinelands. Voor die ontstaan van die skool in 1956[1]het laerskoolleerders van die omgewing óf Laerskool Nassau in Observatory óf die destyds dubbelmedium Pinelands North Primary School bygewoon.
Met die gedurige verengelsing van Kaapstad se suidelike voorstede het die behoefte aan 'n Afrikaansmedium-laerskool in Pinelands mettertyd gekwyn sodat die laaste sowat 50 leerders van Oude Molen met ingang 1985 by die Laerskool Groote Schuur in Rondebosch ingeskakel het. Die laaste hoof was wyle mnr. Carl Thomas (reeds dood). Daar was altesaam vyf onderwysers, waaronder me. Sarie Jacobs, musiekonderwyseres. Daar was selfs 'n skoolkoor.
Laerskool Groote Schuur het op sy beurt Afrikaans as onderrigmedium in 2008 afgeskaf sodat van die vyf Afrikaansmedium-laerskool tussen Pinelands en Muizenberg teen 2010 nog net die Laerskool Simon van der Stel Afrikaans gebly het.
Die Hoër Tegniese Skool Oude Molen, wat in 1961 in Jan Smutsrylaan, Pinelands, geopen het, was nooit verwant aan die laerskool nie, ondanks die gedeelde naam.
[wysig] Oudleerders
- Hendrik Hofmeyr, komponis[2].
- Tessa Uys, pianis[3].
- Pieter-Dirk Uys, satirikus, dramaturg, skrywer, akteur.
- Emile Myburgh, prokureur.
- Anneke Hesseling, mediese dokter.
- Anneke Boshoff, lektor en konsultant.
[wysig] Verwysings
- ^ Geskiedenis van die Pinelands North Primary School
- ^ Die Burger
- ^ Oor die herkoms van Uys se moeder.
[wysig] Eksterne skakels
- Die Burger Oudonderwyser word superintendent van onderwys.
- Die Burger Oudhoof tree af.
- Die voormalige skoolgebou in Loerielaan, Pinelands op Google Maps
