Laingsburg

Laingsburg
Laingsburg soos gesien vanaf die N1.
Laingsburg
Koördinate: 33°11′42″S 20°51′33″O
Land	Suid-Afrika
Provinsie	Wes-Kaap
Distriksmunisipaliteit	Sentraal Karoo
Plaaslike Munisipaliteit	Laingsburg
Oppervlak
- Stad	2,4 km²  (0,9 vk m)
Bevolking (2001)
- Stad	4 386
- Digtheid	1 827,5/km² (4 733,2/myl2)
Tydsone	SAST (UTC+2)
Poskode	6900
Skakelkode(s)	023

Dr. Adriaan Moorrees het die hoeksteen van Laingsburg se NG kerkgebou op 4 Junie 1904 gelê. Die argitekte was Kallenbach en Reynolds. Kallenbach was onder meer ook verwantwoordelik vir die NG gemeente Jeppestown en die NG gemeente Barkly-Oos se ewe indrukwekkende kerkgebou.

'n Uitsig oor Laingsburg se sogenaamde bruin woonbuurt, Drawol.

Karoo by Laingsburg

Karoo by Laingsburg

Laingsburg is 'n dorp in die Karoo (provinsie Wes-Kaap, Suid-Afrika), wat in 1881 gestig is en veral bekend staan om die verwoestende Laingsburgvloed 100 jaar later op 25 Januarie in 1981. Die N1 nasionale pad gaan deur die dorp.

Geskiedenis

Laingsburg het op die plaas Zoute Vlakte tot stand gekom, wat in 1862 is deur Stephanus Carel Greeff gekoop is. Hy het glo gereeld verblyf en etes aan reisigers op pad na die Noorde verskaf.

Die ontdekking van minerale in die Vrystaat en Transvaal het die aanlê van 'n dorp, as 'n halfwegstasie tussen Worcester en Beaufort-Wes, genoodsaak. Boonop het die spoorlyn in 1879 die Buffelsrivier bereik en die Buffalo River-stasie het ontstaan.

Greeff het die plaas Vischkuyl, wat aan die Buffelsrivier gelê het, gekoop en proviand aan die spoorwegwerkers en reisigers verkoop. Ongemerk het 'n klein dorpie, Nassau, by die stasie ontwikkel en die eerste erwe is op 1 April 1880 uitgesit.

'n Bepaling dat daar 'n trekpad van 800 voet breed deur dié nedersetting moet wees, het byna die planne vir 'n volwaardige dorp in die wiele gery. Die Kommissaris van Kroongrond, John Laing, het ingegryp en die serwituut is tot 150 voet gewysig.

Uit dankbaarheid het die inwoners van die klein Nassau-gemeenskap besluit om die dorp na Laing's Town te herdoop. Later is dié naam verafrikaans na Laingsburg, veral toe neerhalend verwys is na dié dorp as Linkstoon. In 1882 is die eerste NG gemeente op Laingsburg gestig.

Sien ook

• Laingsburgvloed, oorstromings van 1981.
• Lys van dorpe in Suid-Afrika

Eksterne skakels

• http://www.laingsburgtourism.co.za/laingsburgflood.html
• "Laingsburg se klipkerk tot gedenkwaardigheid verklaar" Die Burger, 4 Maart 1995.