Lanai

in Wikipedia, die vrye ensiklopedie
Spring na: navigasie, soek
Lānaʻi
Die Pynappel- of Spookeiland
Satellietfoto van Lānaʻi
Satellietfoto van Lānaʻi
Geografie
Ligging in die deelstaat Hawaii
Ligging 20°50′N 156°56′W
Oppervlakte 364 vk km
Geranglys 6de grootste eiland van die deelstaat Hawaii
Hoogste punt Lānaʻihale
  1 026 m
Demografie
Bevolking 3 193 (2000)
Bevolkingsdigtheid 9/vk km
Amptelike simbole
Blom Kauna ʻoa (Cuscuta sandwichiana)
Kleur ʻĀlani (oranje)

Lānaʻi of Lanai (ləˈnaɪ in Engels en laːˈnɐʔi of naːˈnɐʔi in Hawais) is die sesde grootste eiland in die Hawaii-argipel met 'n oppervlakte van 364 km². Die eiland staan ook as "Pynappel-eiland" bekend - 'n verwysing na die verlede toe die hele eiland as 'n pynappelplantasie gedien het. Lānaʻi het ook ná die Polinesiese volksplanting op die Hawaii-eilande eeue lank onbewoon gebly en is volgens legendes alleenlik deur spoke bewoon - vandaar die tweede bynaam, "Spookeiland". Die eerste Polinesiese setlaars het hulle uiteindelik omstreeks 1400 op Lānaʻi gevestig.

Die enigste nedersetting op Lānaʻi is Lānaʻi City. Die eiland het meer of min die vorm van 'n komma, waarvan die langste gedeelte 'n wydte van sowat 29 km het. Dit word in die noorde deur die Kalohi-kanaal van die buureiland Molokai en in die ooste deur die ʻAuʻau-kanaal van Maui geskei.

Die potensiaal van toerisme op Lānaʻi word geleidelik ontsluit. Baie van die eiland se besienswaardighede en bakens word in meer afgeleë gebiede gevind en kan net met vierwiel-aangedrewe voertuie bereik word.