Lance Armstrong
| Lance Armstrong |
|---|
 |
|
| Doopnaam: | Lance Edward Gunderson |
|---|---|
| Geboorte: | 18 September 1971; Plano, Texas, VSA |
| Tydperk aktief: | 1991 - hede |
| Grootste prestasies: | Tour de France (1999–2005) Wêreldfietsrykampioen (1993) |
Lance Armstrong is 'n Amerikaanse professionele padwedrenfietsryer. Hy het die Tour de France reeds 'n rekordbrekende sewe keer op 'n ry gewen, van 1999 tot 2005. Hy is die enigste deelnemer wat sewe keer gewen het: die vorige rekord was vyf keer.
In 1996 is dit bekend gemaak dat Armstrong met testikelkanker gediagnoseer is en dat hy slegs 20 to 40% kans op oorlewing sou hê. Sy behandeling het 'n brein- en testikeloperasie ingesluit, asook uitgebreide chemoterapie.
Armstrong het reeds talle toekennings verower: In 1999 is hy deur die American Broadcasting Company benoem tot die Wêreldwye Atleet van die Jaar. In 2000 het hy ook die "Prins van Austurië"-toekenning gewen vir sy sportprestasies.[1] In 2002 is hy deur die tydskrif Sports Illustrated benoem tot die Sportman van die Jaar. Hy het in 2002, 2003, 2004 en 2005 die Associated Press se "Manlike Atleet van die Jaar"-toekenning gewen en in 2003, 2004, 2005 en 2006 ESPN se ESPY-toekenning vir Beste Manlike Atleet. Hy is ook in 2003 aangewys as die BBC se Oorsese Sportspersoonlikheid van die Jaar.
Armstrong het met die einde van die 2005 Tour de France op 24 Julie 2005 afgetree, maar het op 9 September 2009 bevestig dat hy na die wêreld van kompeterende fietsry sal terugkeer tydens die 2009-seisoen.[2]
[wysig] Verwysings
- ^ "Lance Armstrong". URL besoek op 2008-09-15.
- ^ "Lance Armstrong Rides Again.". Vanity Fair.
