Laura Chinchilla

in Wikipedia, die vrye ensiklopedie
Spring na: navigasie, soek
Laura Chinchilla
Laura Chinchilla

Laura Chinchilla in 2008


President van Costa Rica
Ampsbekleër
Ampsaanvaarding
8 Mei 2010
Vise Alfio Piva
Voorafgegaan deur Óscar Arias

Persoonlike besonderhede
Gebore 28 Maart 1959 (1959-03-28) (55 jaar oud)
San José, Costa Rica
Politieke party Nasionale Bevrydingsparty
Eggenoot/eggenote José María Rico
Kind(ers) 1
Alma Mater Universiteit van Costa Rica
Georgetown University

Laura Chinchilla Miranda (* 28 Maart 1959 in San José) is 'n Costa Ricaanse politoloog wat op 8 Mei 2010 as staatspresident van dié Sentraal-Amerikaanse land en opvolger van Óscar Arias ingesweer is. Sy is die eerste vrou wat hierdie amp beklee.

Laura Chinchilla is die dogter van Rafael Ángel Chinchilla Fallas wat tussen 1972 en 1987 as kontroleur en ouditeur-generaal van Costa Rica gedien het, en Emilce Miranda Castillo. Sy het politieke wetenskappe aan die Universiteit van Costa Rica gestudeer en 'n meestersgraad in openbare politiek aan die Georgetown-universiteit behaal.

Sy het haar politieke loopbaan as raadgewer vir regtelike en veiligheidsake in Latyns-Amerika en Afrika in verskillende internasionale organisasies begin. Sy was daarnaas spreker van 'n reeks internasionale forums vir openbare veiligheid en polisiekwessies. Tussen 1994 en 1996 het sy die amp van viseminister van justisie en tussen 1996 en 1998 dié van minister van openbare veiligheid beklee.

Ná die oorwinning van die PLN in die presidensiële verkiesing van 2006 is Laura Chinchilla as eerste visepresident in die kabinet van president Óscar Arias benoem. Sy het in dié amp tot en met 8 Oktober 2008 waargeneem en daarna as kandidaat van haar party aan die verkiesingsveldtog vir die presidensiële verkiesing van 2010 deelgeneem. Sy het 47 persent van die uitgebragte stemme gekry, teenoor 'n stemaandeel van slegs 25 persent vir die linkse kandidaat Ottón Solís.

Laura Chinchilla is getrou en het 'n seun.

Eksterne skakels[wysig]