Lavazza

in Wikipedia, die vrye ensiklopedie
Spring na: navigasie, soek
Lavazza S.p.A.
Lavazza Logo.png
Tipe Aandelemaatskappy
Gestig 1895
Hoofkantoor Turyn, Italië
Sleutelpersone Alberto Lavazza (Adjunk-voorsitter en hoof uitvoerende beampte)
Gaetano Mele (besturende direkteur)
Gebied bedien Wêreldwyd
Industrie Koffie
Produkte Heelboontjie-Koffie, handelsware
Inkomste €1,2 miljard[1] (2011)
Werknemers 1 700
Webwerf lavazza.it

Lavazza is die grootste vervaardiger van koffie en espresso in Italië, wat in die jaar 2004 'n markaandeel van digby 45 persent bereik het. Die onderneming het filiaalmaatskappye in meer as 60 lande.

Geskiedenis[wysig]

'n Advertensie vir Lavazza-koffie (omtrent 1900) wys die vervoer van koffie in Indosjina

Die maatskappy Lavazza het sy oorsprong in die klein kruidenierswinkel van Luigi Lavazza (1859-1949) in Paissa Olivero, die ou sakedistrik van Turyn (Noord-Italië). Soos baie ander van sy soort is ook Lavazza se winkel 'n kleinhandelonderneming, wat sy eie handelsgoedere vervaardig. Luigi Lavazza het hom op die koffieproduksie toegespits, en hy rooster in sy winkel koffiebone en vermeng hulle volgens sy spesiale resepte.

In 1910 brei Lavazza sy onderneming op groothandelvlak uit. Die toetrede van sy drie seuns Mario, Beppe en Pericle tot die onderneming in die tydperk van die Eerste Wêreldoorlog en die toespitsing op 'n kleiner reeks produkte lei tot die vinnige groei van die maatskappy. Dit speel gou 'n beduidende rol op die plaaslike mark van Turyn en sy omgewing. Die Volkebond se tydelike sanksies teen Italië, wat ook 'n verbod op die uitvoer van koffie na die land insluit, en die ekonomiese gevolge van die Tweede Wêreldoorlog is geen werklike teenslag vir Lavazza nie.

In 1927 word die moderne Lavazza S.p.A. in sy huidige vorm gestig, en die onderneming begin hom op die koffievervaardiging toespits. Lavazza se produkte kry die eerste spesiaal ontwerpte etiket. Die jaarlikse produksie beloop aanvanklik 1 000 ton koffie.

In 1936 tree Luigi Lavazza af en oorlaat die bestuur van die maatskappy aan sy seuns. Hy sterf in 1949. Lavazza het sy hoofkwartier nog steeds in Turyn en word tans deur die vierde generasie van Luigi Lavazza se nakomelinge bestuur.

Verwysings[wysig]

  1. (en) Lavazza numbers”. Lavazza. URL besoek op 18 April 2014.