Lawrence Scarpa
Lawrence Scarpa saam
met sy vennoot en eggenote Angela Brooks
Lawrence Scarpa
Amerikaanse argitek
Ateljee
Brooks + Scarpa
Los Angeles
Beduidende projekte
"Sonskermgebou"
Venice, LA, Kalifornië (2005)
The SIX
Los Angeles (2016)
Toekennings en pryse
18 Nasionale AIA-pryse
Rudy Bruner-prys
Lifetime Achievement Award,
Interior Design Magazine (2009)
Smithsonian Cooper-Hewitt National Design Museum Award in Architecture (2014)
American Institute of Architects California Council (AIACC) Lifetime Achievement Award (2015)
Webtuiste
Lawrence Scarpa (* 28 Oktober 1959 in Queens, New York) is 'n argitek wat in Los Angeles, Kalifornië werksaam is. Scarpa geniet internasionale erkenning as 'n baanbreker vir volhoubare ontwerp waarby hy op 'n kreatiewe en onverwagte manier gebruik maak van konvensionele boumateriale.[1][2] Die werksaamhede van sy ateljee met 25 medewerkers strek van landskapsargitektuur, beplanning en omgewingsontwerp tot meubel-, grafiese en binnenshuise ontwerp.
Een van die sentrale kwessies, waarmee die ateljee Brooks + Scarpa hom besig hou, is die verskaffing van bekostigbare behuising.[3] Projekte in dié verband sluit Step Up in, 'n behuisingsprojek vir dakloses en geestelik gestremdes, met 46 studio-woonstelle in die middestad van Santa Monica, en The SIX, 'n behuisingsprojek met 52 wooneenhede vir voorheen daklose gestremde oudsoldate wat in opdrag van die Skid Row Housing Trust in Los Angeles se MacArthur Park-buurt ontstaan het. Die laasgenoemde projek is bekroon met die American Institute of Architects (AIA) se prys van 2017 vir argitektuur (2017 AIA Awards Architecture).[4]
Lewe en loopbaan[wysig | wysig bron]
Scarpa is in die New Yorkse stadsdeel Queens in 'n Joods-Italiaanse gesin gebore. Sy vader, 'n posman, het 'n newe-inkomste verdien met klein bouprojekte en sodoende Lawrence se belangstelling en passie vir argitektuur gewek. So het hy as kind sy eerste klein geboue ontwerp wat hy van allerlei soorte bouafval en hout gebou het. Na die ontydige afsterwe van sy moeder, wat in 1967 aan kanker oorlede is, het die gesin na Miami in Florida verhuis.
Lawrence Scarpa is getroud met die Amerikaanse argitek Angela Brooks, 'n vennoot van die AIA.
Bekostigbare behuising[wysig | wysig bron]
Lawrence Scarpa is die medestigter van Livable Places, Inc., 'n nie-winsgewende organisasie wat in die eiendomsontwikkelingsbedryf werksaam is en sy invloed laat geld op die openbare beleid ten opsigte van behuising - onder meer deur die bou van geboue vir gemengde gebruik op onderbenutte of andersins moeilike grond. Meer onlangs het hy opgetree as medestigter van die Affordable Housing Design Leadership Institute (AHDLI) wat betrokke is by die ontwikkeling van meer volhoubare en bewoonbare leefruimtes vir gemeenskappe.
Verwysings[wysig | wysig bron]
- ↑ USC - University of Southern California / USC School of Architecture: Lawrence Scarpa. Besoek op 31 Maart 2015
- ↑ Susan Freudenheim: Living / The Scarpa Home; Hot Stuff; High style meets sustainability in the Venice home of two architects. In: Los Angeles Times Magazine, 25 September 2005, bl. 34-38
- ↑ KCRW - Design and Architecture: The high cost of affordable housing. Besoek op 12 Augustus 2018
- ↑ "www.aia.org: The Six Affordable Veteran Housing. Besoek op 20 April 2017". Geargiveer vanaf die oorspronklike op 23 Junie 2017. Besoek op 19 April 2017.
- ↑ "architecture lab, 24 Julie 2011: Redelco Residence. Besoek op 18 Oktober 2018". Geargiveer vanaf die oorspronklike op 26 Augustus 2017. Besoek op 18 Oktober 2018.
Literatuur[wysig | wysig bron]
Tibby Rothman: Ordinary and Extraordinary. Brooks + Scarpa. Los Angeles: Gulf Pacific Press 2018
