Lebomboberge

in Wikipedia, die vrye ensiklopedie
Lebomboberge
'n Deel van die Lebomboberge, insluitend Spookberg soos gesien vanaf Mkuze 'n Deel van die Lebomboberge, insluitend
Spookberg soos gesien vanaf Mkuze
Ligging KwaZulu-Natal, Eswatini, Limpopo, Suid-Afrika
Hoogte 776 meter bo seevlak
Koördinate 26°15′0″S 32°0′0″O / 26.25000°S 32.00000°O / -26.25000; 32.00000Koördinate: 26°15′0″S 32°0′0″O / 26.25000°S 32.00000°O / -26.25000; 32.00000
Bergtipe Rioliet en basalt
Ligging van Lebomboberge op 'n kaart (Suid-Afrika)
Lebomboberge
Lebomboberge

Die Lebomboberge, is 'n 800 km lang, smal bergreeks in Suider-Afrika. Die berg strek van Hluhluwe in KwaZulu-Natal in die suide tot by Punda Maria in die Limpopo in Suid-Afrika in die noorde. Sommige dele van die berg is ook te vinde in Mosambiek en Eswatini.

Geologie[wysig | wysig bron]

Geologies word die reeks beskou as 'n monokline; deel van 'n vulkaniese rif.[1] Die Lebombo-monokline strek noord-suid en daal neer na die ooste. Dit is saamgestel uit 'n reeks van Jurassiese ouderdom vulkaniese rots, beide basaltiese lawas en riolitiese vloei en uitbarstings. Die samestelling berus hoofsaaklik op horisontale Karoo Supergroep sedimentêre gesteentes van die Kalahari kraton in die weste en word oorlê deur Kryt onlangse sedimente na die ooste. Die wisselende weerstand rioliet en maklik verweerbare basalt produseer 'n reeks van parallelle skerp rante geskei deur grasvlaktes.[2]

Geografie[wysig | wysig bron]

Die reeks is relatief laag met hoogtes tussen 450 m en minder as 800 m. Die hoogste piek is die 776 m hoë Berg Mananga. Die 480 m hoë Longwe is die hoogste piek in die Lebomboberge noord van die Letabarivier.[3]

Die berge oorheers die Lubombo-distrik in Eswatini. Dorpe in die gebied sluit in Siteki sentraal, Lubhuku in die weste en Mayaluka en Big Bend in die suide met die Lusutfurivier wat suid van die bergreeks verbyvloei. Na die noorde lê die dorpe Simunye, Tambankulu en Namaacha, die Mlawula Natuurreservaat asook die Mbuluzirivier.

'n Hele aantal riviere, waaronder die Pongolarivier, Mkuzerivier, Lusutfurivier, Komatirivier, Krokodilrivier (monding) en die Olifantsrivier kruis die berge van wes na oos.

Die naam van die berge is afgelei van die Zoeloewoord Ubombo wat "groot neus" beteken.

Bewaringsgebiede[wysig | wysig bron]

Die Krugerwildtuin en Phongolo Natuurreservaat beskerm sekere gedeeltes van die bergreeks.

Sien ook[wysig | wysig bron]

Verwysings[wysig | wysig bron]

  1. Watkeys, M.K. (2002). "Development of the Lebombo rifted volcanic margin of southeast Africa". GSA Special Papers. Geological Society of America. 362. doi:10.1130/0-8137-2362-0.27. Besoek op 14 Mei 2010.
  2. Manninen, Tuomo, et. al., The Karoo Volcanic Rocks and Related Intrusions in Southern and Central Mozambique, Geologiese Opname van Finland, 2008, Spesiale geskrif 48, p. 211–250[dooie skakel]
  3. Sabi Sand Lodges – Echo System. URL besoek op 26 Desember 2013
Hierdie artikel is in sy geheel of gedeeltelik vanuit die Engelse Wikipedia vertaal.