Lech Wałęsa
| Lech (Leszek) Wałęsa | |
 |
|
|
Lech Wałęsa in 2007
|
|
|
|
|
| Geboorte | 29 September 1943 Popowo, Pole |
|---|---|
| Titel | Staatspresident van die Republiek van Pole |
| Termyn in amp | 22 Desember 1990 - 22 Desember 1995 |
| Voorganger | Wojciech Jaruzelski (Pole), Ryszard Kaczorowski (in ballingskap) |
| Opvolger | Aleksander Kwaśniewski |
| Politieke party | Solidarność |
| Godsdienstige oortuiging | Rooms-Katoliek |
| Huweliksmaat | Danuta Wałęsa (Danuta Mirosława Gołoś, * 1949) |
Lech Wałęsa [ˈlɛx vaˈwɛ̃sa] (* 29 September 1943 in die dorp Popowo naby Lipno (Koejawië-Pommere, Pole) is 'n Poolse politikus, vakbondleier en Nobelpryswenner vir Vrede.
Wałęsa het 'n beroepsopleiding as elektrisiën gevolg en het in 1980 'n prominente rol tydens die stakings in Gdansk (Pools: Gdańsk) gespeel. Hy was een van die medestigters en tussen 1980 en 1990 ook die voorsitter van die onafhanklike Poolse vakbond Solidarność ("Solidariteit"). Ná die afkondiging van krygswet deur die kommunistiese Poolse bewind in 1981 is Wałęsa as een van die Kommunistiese Party se felste teenstanders onder huisarres geplaas, maar in 1982 weer vrygelaat.
As een van die leidende figure gedurende die periode van politieke omwenteling in Pole het Wałęsa ná sy verkiesing tot die amp van Staatspresident die politieke en ekonomiese transformasie van 'n sosialistiese stelsel tot 'n demokratiese vryemarkstelsel (die sogenaamde Derde Poolse Republiek) georganiseer. In 1998 is Wałęsa as voorsitter van die Christen-Demokratiese Party van Pole verkies, en in 1983 is die Nobelprys vir Vrede aan hom toegeken.
