Leeukop
Leeukop |
|
|---|---|
 Leeukop en Seinheuwel soos vanaf Tafelberg gesien. |
|
| Ligging: | Wes-Kaap, Suid-Afrika |
| Hoogte: | 669 meter |
| Koördinate: | |
Leeukop is 'n koppie in Kaapstad, Suid-Afrika wat tussen Tafelberg en Seinheuwel geleë is. Die koppie is 669 meter (2,195 voet) bokant seevlak. Die piek skep 'n dramatiese agtergrond vir Kaapstad en is deel van die Tafelberg Nasionale Park.
Inhoud |
[wysig] Omgewing
Kaapstad se voorstede omring die koppie vanaf bykans alle kante, maar streng beheer deur die munisipaliteit het voorkom dat huise teen die hoër hange gebou word. Die area is van besondere belang vir die Kaapse Maleier gemeenskap, wat histories in die Bo-Kaap naby Leeukop gewoon het. 'n Aantal historiese grafte en tempels (kramats) van Maleise leiers is op die laer hange geleë.
[wysig] Geskiedenis
In die 17de eeu het die Nederlanders die koppie Leeuwen Kop gedoop, terwyl Seinheuwel as die Leeuwen Staart (die Leeu se stert) bekend was. Die Engelse het in die 17de eeu na die koppie as Sugar Loaf verwys.[1][2]
[wysig] Aktiwiteite
Leeukop is bekend vir sy skouspelagtige uitsig oor die stad, en die uur lange klim na die bokant is veral gewild tydens volmaan.[1] Die hange is ook 'n gewilde afspringpunt vir "paragliders".
[wysig] Geologie, flora en fauna
Die boonste deel van die piek bestaan uit plat lêende Tafelberg-sandsteen en die laer hange is gevorm deur die Kaapse graniet en die Malmesbury-formasie, wat ouer prekambriese rotse is. Leeukop in bedek met Fynbos (inheemse Kaapse plantegroei) met 'n buitengewoon ryk biodiversiteit wat 'n verskeidenheid van kleiner diere ondersteun.
[wysig] Sien ook
[wysig] Verwysings
- ↑ 1,0 1,1 “Lion's Head: Full Moon Hike”. Cape Town Magazine. URL besoek op 2006-12-24.
- ↑ Burman, Jose (1991). The Table Mountain Book. Human & Rousseau.
