Leila Reitz
vanuit Wikipedia, die vrye ensiklopedie.
Leila Agnes Bussinné Reitz (gebore Wright, Kaapstad, 13 Desember 1887 - Kaapstad, 29 Desember 1959) was die eerste vrou in die Suid-Afrikaanse Volksraad nadat vroue die stemreg gekry het in 1930.
Reitz is in 1920 getroud met die politikus Deneys Reitz. Sy was 'n uitgesproke voorstander van vroueregte en die stemreg vir vroue. Mev. Reitz was die eerste vrou wat lid van die Unie-Volksraad geword het en het Parktown in Johannesburg van 1933 tot 1944 vir die Verenigde Party verteenwoordig.
Sy was aktief op die gebied van maatskaplike welsyn en het 'n groot aandeel in die aanvaarding van die Kinderwet in 1937 gehad.
