Lena
| Lena | |
|---|---|
 |
|
| Oorsprong | Baikal-gebergte (Rusland) |
| Monding | Rusland Arktiese Oseaan |
| Gebied waardeur dit vloei | Rusland |
| Lengte | 4 400 km |
| Oorsprong hoogte | 1 465 m |
| Monding-hoogte | 0 m |
| Gemiddelde afloop | 16 871 m³/s |
| Stroomgebiedoppervlakte | 2 306 772 km² |
Die Lena-rivier (Russies: Ле́на) is die mees oostelike rivier van die drie groot Siberiese riviere wat in die Noordelike Yssee vloei (die ander twee is die Ob- en die Jenisei-rivier). Dit is die 10de langste rivier in die wêreld en die grootste Russiese rivier waarvan die hele stroomgebied binne die landsgrense val.
[wysig] Geskiedenis
Die meeste navorsers glo die naam "Lena" kom van die oorspronklike Evenk-naam Elyu-Ene (Groot Rivier).
In 1620-1623 het Russiese ontdekkingsreisigers onder Demid Pjanda met die Laer-Toengoeska-rivier opgevaar en die Lena ontdek. In 1623 het Pjanda sowat 2 400 km van die rivier verken. Wasili Boegor en sy manne het die Lena in 1628 bereik terwyl hulle belasting in die vorm van pelse van die plaaslike bewoners ingevorder het en in 1632 het hulle Kirinsk gestig.
Baron Eduard von Toll het in 1885 ’n ekspedisie na die Lena-kom onderneem vir die Russiese Wetenskapakademie. Hulle het die kom en die talle sytakke van die Lena verken en daarna die Nieu-Siberiese Eilande en die Jana-rivier met sy sytakke.
Wladimir Iljitsj Oeljanof het sy kodenaam Lenin tydens die Russiese Rewolusie van 1917 van die Lena-rivier geneem nadat hy na die Sentraal-Siberiese Plato verban is.
[wysig] Beskrywing
Die Lena-rivier ontspring in die Baikal-gebergte suid van die Sentraal-Siberiese Plato, 7 km wes van die Baikalmeer, en vloei dan noordoos. Van Jakoetië af gaan dit die laelande binne en vloei noord, dan noordwes en eindelik weer noord tot in die Laptef-see, ’n deel van die Noordelike Yssee.
Die rivier is sowat 4 400 km lank en het ’n stroomgebied van sowat 2 490 000 km2.
[wysig] Verwysings
- Hierdie artikel is merendeels vertaal vanaf die Engelse Wikipedia-artikel [1]
