Leon van Nierop

in Wikipedia, die vrye ensiklopedie
Spring na: navigasie, soek
Leon van Nierop
Gebore 18 Februarie 1953
Brakpan
Nasionaliteit Vlag van Suid-Afrika Suid-Afrika
Beroep Rolprentvervaardiger, skrywer, resensent

Leon van Nierop (gebore 18 Februarie 1953 in Brakpan) is 'n Afrikaanse vervaardiger, skrywer en rolprentresensent. Hy skryf resensies vir verskeie publikasies soos Huisgenoot, Citizen, Rapport, De Kat, Lig asook RSG se Monitor. Hy skryf ook rubrieke, verhale en artikels onder verskeie skuilname. As voorbeeld, gee hy sy liefdesverhale onder die skuilnaam Jacqueline Brink uit.[1] Hy is al sedert 1975 omroeper by die SAUK, en tans vryskut omroeper en nuusleser, asook regisseur by RSG. Hy tree op as mede-vervaardiger van DEKAT TV op SABC 3 in 2009, en skep en bied 'n 26-episode reeks oor die geskiedenis van die Afrikaanse rolprentwese, DAAR DOER IN DIE FLIEK op kykNET aan in 2011. Hy werk tans aan 'n opvolg van die reeks.

Biografie[wysig]

Van Nierop begin sy skoolloopbaan in 1959 by Kammando Laerskool in Brakpan, waar sy moeder ook 'n onderwyseres was. Ná hy matriek voltooi het op Brakpan doen hy sy weermagdiensplig in Kimberley. Hierna studeer hy Tale en Drama (BA) by die Universiteit van Stellenbosch waar hy sy B.A.-graad in 1974 behaal. In Januarie 1975 begin hy as omroeper en regisseur by die SAUK en later by Springbokradio te werk. Hy skryf verskeie treffer-radioverhale, waaronder byna 900 episodes van Wolwedans in die skemer (debuut in Augustus 1979), Herberg vir 'n vlugteling, Stralerjakkers en Die huis in Hertestraat. Sedert 1984 skryf hy ook verskeie TV-dramas en TV-reekse soos Ballade vir 'n enkeling I en II, skep die TV-reeks Villa Rosa, Wolwedans in die skemer, Huisjakker en Moord op die lug.

Hy het vir 20 jaar klas gegee in rolprentontleding en was vir 4 jaar lank hoof van die Rolprentakademie (filmskool) by die Tegnikon Pretoria waar hy jong rolprentmakers opgelei het.

Bibliografie[wysig]

Van sy boeke:

Onder sy skuilnaam, Jacqueline Brink:

Toekennings[wysig]

In Desember 1999 ontvang hy die Twilight Life Time Achievement Award van 'n reklame-agentskap vir sy bydrae as veral resensent tot die rolprentbedryf in Suid-Afrika die vorige 25 jaar.

Hy het in 2009 die Caxton-toekenning gekry as beste skrywer van die jaar en in 2011 ook dieselfde toekenning. En sy drama Twyfelberg; en is met die tweede prys vir die RSG-SANLAM radiodrama skryfkompetisie bekroon. Hy word ook met 'n ATKVeertjie in 2011 bekroon as beste radioregisseur vir sy regie van Hirosjima Mon Amour.

In 2011 word hy met 'n ATKV-MediaVeertjie bekroon vir die beste dokumentêre program of programreeks vir Die Afrikaanse rolprent gister en vandag.

Verwysings[wysig]