Letabarivier

Letabarivier
Die Letabarivier vloei deur die Krugerwildtuin.
Hoofrivier	Olifantsrivier
Sytak -links	Klein-Letaba, Middel-Letaba
Sytak -regs	Groot-Letaba
Oorsprong	Suid van Soutpansberg
Monding	Olifantsrivier
Stroomgebied	Limpopo, Suid-Afrika
Letabarivier Monding van die Letabarivier
Koördinate: 23°59′″S 31°49′36″O

Die Letabarivier is 'n belangrike takrivier van die Olifantsrivier in Limpopo, Suid-Afrika.

Oorsprong

Die voorlope van die Groot-Letabarivier ontspring reeds in Gauteng provinsie, terwyl sommige sytakke van die Klein-Letabarivier hul oorsprong in die Soutpansberge het.

Roete

Die naam Letabarivier word gebruik ná die samevloei van die Klein- en Groot-Letabariviere op die wesgrens van die Krugerwildtuin. Die samevloeiing met die Olifantsrivier is in 'n skilderagtige ruigtekloof oos van Olifantskamp in die Krugerwildtuin. Hierdie area word as 'n wildernisstaproete gebruik deur besoekers aan die park. Hierna sny die Olifantsrivier deur die Lebomboberge by Olifantskloof en steek die landsgrens oor na Gaza-provinsie, Mosambiek waar dit in die Massingirdam invloei.

Ander sytakke

Middel-Letabarivier, Nharhweni-rivier, Ngwenyeni-rivier, Nwanedzi-rivier, Molototsi-rivier, Nsamarivier en Makhadzi-rivier.

Damme in die Letababekken

• Ebenezerdam in die Letsitele-rivier
• Tzaneendam in die Groot-Letabarivier
• Modjajidam, in die Molototsi-rivier
• Hudson Ntsanwisi-dam, in die Nsamarivier
• Middel Letaba-dam, in die Middel-Letabarivier
• Engelharddam in die Letaba in die Krugerwildtuin.

Sien ook

• en:Luvubu and Letaba Water Management Area (en)

Hierdie artikel is ten volle of gedeeltelik uit die Engelse Wikipedia vertaal.