Letseng-la-Terai

in Wikipedia, die vrye ensiklopedie
Spring na: navigasie, soek

Letseng-la-Terai is 'n diamantmyn in Lesotho. Dit is wes van Mokhotlong, 3 100 meter bo seevlak geleë in die Malutiberge.

Geskiedenis[wysig]

Die hoof- en satellietpype was deur Peter Nixon ontdek gedurende 1957 terwyl hy in die omgewing gewerk het. Die pyp is as 'n staatsmyn verklaar gedurende 1957 en teen 1967 was daar ongeveer 6000 plaaslike delwers. Daar word bereken dat die myn tot op daardie stadium 63 000 karaat diamante gelewer het insluitende die Lesotho Brown van 601 karaat. Die pyp is bekend daarvoor dat dit groot, hoëkwaliteit stene oplewer.

Rio Tinto[wysig]

Rio Tinto Exploration (Pty) Ltd het 'n kontrak verkry om die pype verder te ondersoek en 'n lewensvatbaarheidstudie te doen. Vanaf die tyd tot 1972 het Rio Tinto toetsgate geboor, ondergrondse toetse gedoen, baie groot hoë kwaliteit diamante gekry maar tog aktiwiteite gestaak omrede die opbrengs per ton erts (3.5 karaat per ton) te laag was.

De Beers[wysig]

Die regering van Lesotho het 'n ooreenkoms met De Beers aangegaan gedurende 1976 vir verder toetsing en om 'n myn te vestig. Die myn is geopen gedurende 1977 en gesluit gedurende 1982 omrede die diamantmark in 'n resessie gegaan het. In die tyd is 272 840 karaat diamante gevind.

Tans[wysig]

Die myn is tans in bedryf nadat dit weer geopen is gedurende die 1900's. Die Lesothoregering besit 30% in die myn en Gem Diamonds 70%.[1]

In 2011 is ’n diamant van 550 karaat – die Letseng Star – ontdek. Dit is die 14de grootste wit diamant in die wêreld. Die grootste diamant wat al by die myn opgegrawe is – die Lesotho Promise van 603 karaat – is in 2006 ontdek en is tans die 12de grootste wit diamant in die wêreld. In 2014 is nog 'n wit diamant van 198 karaat hier gekry.[2]

Verwysings[wysig]

Koördinate: 29°0′14.44″S 28°51′44.23″O