Lewensvatbaarheidstudie

in Wikipedia, die vrye ensiklopedie
Spring na: navigasie, soek

'n Lewensvatbaarheidstudie is 'n voorlopige studie wat onderneem word om 'n projek se lewensvatbaarheid (ekonomiese regverdiging) te bepaal en te dokumenteer. Die begrip word ook dikwels gebruik om na die dokument/verslag self te verwys. Die resultate van so 'n studie word gebruik om 'n besluit te maak of daar met 'n projek voortgegaan moet word aldan nie. As die projek wel goedgekeur word sal die studie ook gebruik word om die waarskynlikheid van die projek se sukses te bepaal. Dit bestaan uit 'n analise van die moontlike alternatiewe oplossings tot 'n probleem en 'n aanbeveling oor die beste alternatief.

Belangrikheid van 'n Lewensvatbaarheidstudie[wysig]

Daar word geskat dat ongeveer een uit elke vyftig besigheidsidees in der waarheid kommersieël lewensvatbaar is. Daarom is 'n lewensvatbaarheidstudie 'n doeltreffende manier om te verseker dat vermorsing of verdere belegging van hulpbronne nie gebeur nie.[1] As dit blyk uit die resultate van die studie dat die projek lewensvatbaar sal wees is die volgende logiese stap om 'n volledige besigheidsplan saam te stel. Die navorsing en inligting wat tydens die lewensvatbaarheidstudie ontdek is sal die besigheidsbeplanningstadium ondersteun en navorsingstyd verminder. Die koste van die besigheidsplan sal daarom ook minder wees. 'n Deeglike lewensvatbaarheidsanalise verskaf volop inligting wat ook benodig word in die besigheidsplan. 'n Goeie markanalise is byvoorbeeld nodig om 'n besigheidskonsep se lewensvatbaarheid te bepaal. Hierdie inligting verksaf die basis vir die markafdeling van die besigheidsplan.[2] Laastens behoort 'n lewensvatbaarheidstudie duidelike ondersteunende bewyse te verskaf vir sy aanbevelings. Die sterkte van die aanbevelings kan teen die studie se vermoë opgeweeg word om die kontinuïteit te demonstreer wat bestaan tussen die navorsingsanalise en die voorgestelde besigheidsmodel. Aanbevelings sal afhang van verskeie numeriese data met kwalitatiewe, ervaringsgebaseerde dokumentasie. 'n Lewensvatbaarheidstudie steun swaar op marknavorsing en -analise. 'n Lewensvatbaarheidstudie verskaf aan die deelhebbers bewyse met variërende grade van sekerheid oor die lewensvatbaarheid van 'n projek.[3]

Aspekte van besigheidslewensvatbaarheid[wysig]

Die lewensvatbaarheidstudie se bevindings sal deur voornemende beleggers en deelhebbers oorweeg word ten opsigte van hul geloofwaardigheid en die diepte van die argumente. Die lewensvatbaarheidstudie plaas die bevindings in verskillende afdelings in die formele besigheidsverslag. Dit plaas dan ook die bevindings in lyn met die funksionele prosesse van 'n onderneming wat 'n gehoor maklik kan verstaan (Thompson 2003a).

Tegniese lewensvatbaarheid[wysig]

Dit behels vrae soos of die tegnologie vir die stelsel reeds bestaan, hoe moeilik dit sal wees om dit te bou en of die onderneming genoeg ervaring in die gebruik van die tegnologie het. Die beoordeling word gegrond op die afbraak van die stelselvereistes in terme van Toevoere, Prosesse, Afvoere, Vakgebiede, Programme en Prosedures. Dit kan dan gekwalifiseer word in terme van volumes data, neigings, frekwensies van opdatering en ander gebiede om 'n bekendstelling tot die tegniese stelsel te verskaf.

Lewensvatbaarheid van die skedule[wysig]

Dit behels die vrae oor hoeveel tyd beskikbaar is om die stelsel te bou, wanneer dit gebou kan word, of dit met bestaande besigheidsprosesse sal inmeng, die soorte en hoeveelheid hulpbronne wat benodig sal word, afhanklikheide ens. Gebeurlikheids- en verligtingsplanne moet ook hier genoem word sodat die besigheid voorbereid sal wees as die projek laat is.

Kulturele lewensvatbaarheid[wysig]

Op hierdie stadium word die projek se alternatiewe geanaliseer vir hul moontlike impak op die plaaslike en algemene kultuur. Omgewingsfatkore moet byvoorbeeld in ag geneem word.

Wetlike lewensvatbaarheid[wysig]

Nie noodwendig laaste nie, moet 'n projek onder 'n wetlike vergrootglas geplaas word. As 'n organisasie interne of eksterne regsverteenwoordiging het, is sulke hersienings gewoonlik standaard. 'n Projek mag egter wetlike kwessies na voltooiïng in die gesig staar.

Bemarkingslewensvatbaarheid[wysig]

Dit sal 'n analise van die enkel en multi-dimensionele markkragte insluit wat die kommersiële lewensvatbaarheid sal beïnvloed.

  • Ekonomiese lewensvatbaarheid – Die bepaling van die kostedoeltreffendheid van die voorgestelde stelsel d.w.s. as die voordele nie die kostes oortref nie sal dit nie die moeite werd wees om voort te gaan nie.
  • Wetlike lewensvatbaarheid – Bepaal of die voorgestelde stelsel voldoen aan wetlike vereistes.
  • Bedryfbaarheid – Sal die bestaande werkspraktyke en prosedures die nuwe stelsel ondersteun.
  • Skedule lewensvatbaarheid – Oorweeg hoe lank die stelsel sal neem om te ontwikkel en of dit binne 'n gegewe tydperk voltooi kan word deur die byvoorbeeld die terugbetaaltyd te oorweeg.

Verwysings[wysig]

Commons-logo.svg
Wikimedia Commons het meer media verwant aan:
  1. Gorton 1997; Bickerdyke et al. 2000
  2. Bangs 2000; Hoagland & Williamson 2000; Truitt 2002; Thompson 2003b
  3. Hoagland & Williamson 2000; Thompson 2003c; Thompson 2003a; Wickham 2004