Lier (sterrebeeld)

in Wikipedia, die vrye ensiklopedie
Spring na: navigasie, soek
Lier
Lyra constellation map.png
Latynse naam Lyra
Genitief Lyrae
Afkorting Lyr
Waarnemingsdata (Epog J2000)
Regte klimming 19h
Deklinasie 40º
Grootte 286 vk. grade (52ste)
Kwadrant NQ4
Besonderhede
Hoofsterre 5
Helderste ster Vega (α Lyr)
Naaste ster 2MASS J18353790+3259545
Sterre helderder as 3 m 1
Sterre met planete 29
Messier-voorwerpe 2
Bayer-/Flamsteed-sterre 25
Meteoorreëns Lyrids, June Lyrids, Alpha Lyrids
Aangrensende sterrebeelde
Draak, Hercules, Vos, Swaan
Portaal  Portaalicoon   Sterrekunde

Die Lier (Latyn: Lyra) is ’n klein sterrebeeld in die noordelike hemelruim. Dit is een van die 48 konstellasies wat deur die 2de-eeuse sterrekundige Ptolemaeus beskryf is en is steeds een van die 88 moderne sterrebeelde.

Die sterrebeeld is in die Suidelike Halfrond in die winter sigbaar, laag in die noordelike naghemel.

Ruimtevoorwerpe[wysig]

Messier 56 (M56) bestaan uit ’n groot aantal sterre wat dig bymekaargehou word deur swaartekrag.[1]

Die Lier se helderste sterre sluit in Vega (α Lyr), die vyfde helderste ster in die ruimte; dit is ’n A0 V-tipe en is net 25,3 ligjare van die Aarde af.

Die voorwerpe Messier 56, M57 en Kuiper 90 kom in die Lier voor. M56 is ’n taamlike los bolvormige sterreswerm sowat 32 900 ligjare van die Aarde af. Dit het ’n deursnee van 85 ligjare en ’n oënskynlike magnitude van 8,3 mag.

M57, ook bekend as die Ring-newel of NGC 6720, het ’n deursnee van een ligjaar en is 2 000 ligjare van hier. Dit is een van die bekendste planetêre newels en die tweede een wat ontdek is[2] – in 1779 deur Antoine Darquier, 15 jaar nadat Charles Messier die Handgewig-newel ontdek het. Sterrekundiges het bepaal dat dit tussen 6 000 en 8 000 jaar oud is.

NGC 6745 is ’n onreëlmatige spiraalsterrestelsel sowat 208 miljoen ligjare van die Aarde af. Verskeie miljoene jare gelede het dit met ’n kleiner stelsel gebots en so is ’n streek met jong, warm blou sterre gevorm. Sterrekundiges weet nie of dit ’n vlugtige botsing was of die voorloper van ’n volle samesmelting van die twee stelsels nie

Verskeie planete is reeds in die Lier ontdek, so onlangs as in Januarie 2010 deur die Kepler-sending. ’n Groot deel van die Kepler-ruimtesterrewag se waarnemings word in die Lier gedoen en daar word verwag dat nog baie ander planete hier ontdek sal word.

Verwysings[wysig]

  1. "A Collection of Ancient Stars". URL besoek op 20 Augustus 2012.
  2. (2006) 300 Astronomical Objects: A Visual Reference to the Universe. Buffalo, New York: Firefly Books. ISBN 978-1-55407-175-3. 



Die 88 moderne sterrebeelde

AgterdekAkkedisAltaarAndromedaArendBeeldhouerBekerBerenice se HareBoogskutterBulCassiopeiaCepheusDolfynDraakDriehoekDuifEenhoringEridanusFeniksGraveerstifGroot BeerGroot HondHaasHerculesHorlosieIndiërJaghondeJagterKameelperdKameleonKielKlein BeerKlein HondKlein LeeuKoetsierKompasKraaiKraanvoëlKreefNetLeeuLierLugpompMaagdMikroskoopNoordelike KroonNoordelike WaterslangOktantOondParadysvoëlPasserPerseusPouPylRamRooikatSeileSekstantSentourSkerpioenSkildSkilderSlangSlangdraerSteenbokSuidelike DriehoekSuidelike KroonSuidelike VisSuidelike WaterslangSuiderkruisSwaanSwaardvisTafelTeleskoopToekanTweelingVeewagterVisseVlieënde PerdVlieënde VisVliegVosVulWalvisWaterdraerWeegskaalWinkelhaakWolf