Lietuvos nacionalinis radijas ir televizija
Lietuvos nacionalinis radijas ir televizija, kort LRT ("Litaue se nasionale radio en televisie"), is 'n nie-winsgewende openbare uitsaaikorporasie wat sedert 1926 radio- en sedert 1957 ook televisieprogramme in Litaue uitsaai en sy hoofkwartier in die hoofstad Vilnius het.
Die korporasie saai tans twee nasionale televisie- (LTV en LTV 2) en drie radiokanale uit en stel daarnaas ook satelliet- en aanlyndienste beskikbaar. Radio- en televisieprogramme word ook as podgooi-voere versprei. LRT word deur die LRT-raad beheer. In 1993 het LRT by die Europese Uitsaai-unie (European Broadcasting Union, EBU) aangesluit.
LRT het tans sowat 650 medewerkers in diens, en sowat driekwart van sy begroting word deur die Litause regering gefinansieer. Advertensies is die tweede grootste bron van inkomste.
