Life Is Wild

in Wikipedia, die vrye ensiklopedie
Spring na: navigasie, soek

Life Is Wild is 'n Amerikaanse televisiedramareeks wat deur Michael Rauch, George Faber en Charlie Pattinson van die gewilde Britse drama Wild at Heart aangepas is. Die reeks handel oor 'n New Yorkse veearts wat saam met sy tweede vrou en die paartjie se twee stelle kinders na 'n Suid-Afrikaanse wildsplaas verhuis wat voorheen deur sy skoonpa bedryf is.

Die reeks, wat deur CBS Paramount Network Television, Warner Bros. Television en Company Pictures vervaardig is, is op 15 Mei 2007 amptelik deur The CW Television Network die groen lig gegee en is 'n bestelling vir dertien episodes gemaak.[1] Die reeks het op 7 Oktober 2007 gepremière en is elke Sondag-aand teen 20:00 (Oos-Amerikaanse tyd) ná die herhaling van Aliens in America uitgesaai. Die reeks is ook op E! in Kanada as 'n midreeks-vervanging uitgesaai.[2] In die Verenigde Koninkryk is die reeks op Hallmark Channel uitgesaai. Warner Channel sal die reeks in Suid-Amerika uitsaai.[3] Die loodsepisode is deur Bryan Gordon geregisseer.

Weens lae tellings is die reeks in Februarie 2008 gekanselleer.[4] Daar is tans geen sprake van planne om Life Is Wild op DVD uit te reik nie.

Verwysings[wysig]

  1. CBS, The CW Confirm Renewals, Cancellations; Fox Extends "24", The Futon Critic, May 15, 2007
  2. Bawden, Jim, "TV lineup launch disrupted", Toronto Star, 2007-06-06. URL besoek op 2007-06-15.
  3. World Screen - Home
  4. San Jose Mercury News - As Hollywood writers strike end nears, a status report on TV shows NOTE: Retrieval attempted 2008-05-10; link states page no longer available but story may be available by searching the fee based archives

Eksterne skakels[wysig]